|
رد: هــــنا سأنتقم من الزمن اليوم كنت فاضي وطفشان رحت للابل ورجعت بدري وانا حيران مادري وش اسوي اغني القصيد ولا اسوي مونتاج جديد فجا دخلت للمنتدانا الغالي وجلست افرفر بالمدونات لقيت مدونه جديده اولها عبارات عنيده تحس فيها جمل وعبارات مفيده جلست اقرى ماكتب اخونا لقيت باخر المدونه كلام غريب فيه شخص مستهدف وله من هالكلام اوفر النصيب ياترى وش السبب وصار الفضول بي يلعب وحاله افكاري على الغير تصعب حتى لو كان ماكان ميستحق مثل هالعبارات والاستهجان على هونك ياصاحبي عى هونك لا تبيح بمافي خاطرك ومضنونك وطلعت من مدونته وجيت هنا اكتب الي صار معي انا ,,,,,,,,,,,,,,, ,,,,,,,,,,,,,,, ,,,,,,, |
رد: هــــنا سأنتقم من الزمن اقوول لكل من مر من هنا كل عام وانت بالف خير ويارب ينعاد عليك كل زمان لا فاقد ولا مفقوود ومن كان بهم عسى الله يجلي همه ومن كان بضيقه عسى الله يفرج كربه |
رد: هــــنا سأنتقم من الزمن مشاغل الوقت اشغلتني عن غالي , لا سالت ولا اتصلت ولكن دايم ببالي مادري وش اقول ,, من صد الوقت مذهول ماعرفت وش الي يصير ,, ومن سببه التاخير الوصل صار معدوم ,,, وتردت فيني العزوم ماقول الا عسى الله على نشاغل الوقت يعين |
رد: هــــنا سأنتقم من الزمن 15 سنه وانا اشجع العالمي ويسرني بنتيجته مره ويضيق خاطري عشرات المرات مستوى متذبذب واكثره فشل اليوم العصر كنت عند الابل جالس مع ابوي وقالي بالعاميه بسألك وانا ابوك بصراحه لو عندك سياره كل ماجيت تسابق بها صارت الاخيره وان جيت بطعس نشبت بنصه وان جيت بتسافر خربت قبل توصل وجهتك بتصبر عليها ؟ قلت لا والله يابوي , قال ترى هذ1 حالك مع النصر من 15 سنه صار فيك قولون عصبي وانت ماتميت العشرين والسياره بفلووس والنصر ببلاش واليوم بعد الهزيمه الساحقه جلست افكر بكلامه ولقت اني ماستفدت من النصر ولا شي بالعكس ضرني ونويت الليله باذن الله اودع النصر واودع التشجيع كله واريح راسي |
رد: هــــنا سأنتقم من الزمن تتسابق الافكار بمخيلتي من اجل ان اصنع غد افضل من الامس. محاولات لجلب السعاده لقلبي' ولكن قلب بلا ذكر المولى هيهات يهنى . او بذنوبه يسلى عما حوله ' هدفنا الاسمى . كيف نعيش ملوك بهذه الدنيا . نفتقر لشجاعه ونتصف بالغدر . ونفتقر للقناعه . وقليل من يؤمن بالقدر. ونريد طمانينه القلب . هيهات يامذنب. |
| الساعة الآن 02:56 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..