هــــنا سأنتقم من الزمن

#1 (**permalink**) 09-07-2011, 07:49 AM

آآآآآآآآهـ يازمن من عرفتك وانا مهموم ,,
وبأحداثك المؤلمه مظلوم ,,

قررت الانتقام ,, من ذكرياتي المؤلمه ,,بطوي صفحه من حياتي,,
فيها ماضي ذكرياتي,,

راح اكون من اليوم وبالاخص من خلال هالصفحه انسان جديد , ينظر لكل يوم بفرح وحب مديد,,

جانبي المشرق هنا تبان جماليه الوانه ,, هنا ساكتب كل مايدور بخاطري , راح اكتب اسراري واحلامي

سانتقم من الزمن الحزين شر انتقام

#2 (**permalink**) 09-07-2011, 08:19 AM

شكرآآآ لكم اقولها اليوم وبكره وبعده ,,

كنت استمع لا ابو نوره قبل ايام , لأغنيه اسمحيلي يالغرام

,, وانا دائم ما اعبث بملفي الشخصي وكنت من زمان عن النت والمنتديات ,,
من نسخه 3.8.3 تارك المنتديات من شان بعض الهوايات ,,

طبعا انا مصاب بالركبه من سبب الكوره ,, وبسبب الملل نفسي بالمنتدى الغالي مسحوره,,
صابني فتور ,, وحسيت ان طرحي المنثور ,, باغلب اركان المنتدى , ماله اي اهميه ,
نويت الانقطاع وربي يشهد عليه,
بس لما دخلت لو حه التحكم ,, لقيت ناس تقدر وتفهم لقيت بس كم تقيم ,,
مصحوبه ,, بكم تعليق قيم ,,
منها الي يثني ومنها الي ينقد ,, اثرت في شخصي كثير ,, وحسيت بالتقصير

ماقول هذ1 حب في التقيم لا والله
بس اشخاص او بالاحرى ثلاثه

كان لتقيمهم في نفسي الشي الكثير

وقررت ان اكتب لهم وان استمر من اجلهم

#3 (**permalink**) 13-07-2011, 05:18 AM

قبل ايام كان الهم في صدري كبير , وكل من حولي اتهمهم بالتجاهل والتقصير, وشفت شي سبب لكياني تغير,
وشفت موقف هزني بتقولون كيف؟

قبل امس كنت بالصناعيه وبالتاكيد اضبط بسيارتي التكييف,

شفت عجوز مسسكينه ؟ بهالقوايل تلف وتدور ,
ومعها طفل كل انواع الحرمان تشوفها بعينه

قلت ياخاله وش تبين هنا , التفت وجاتني تسابق خطواتها ,, وتسحب هالطفل وتخنقها عبراتها

قالت بالمعنى البسيط( والله ماذقنا ياولدي شي من البارحه ).
صابني انهيار , حسيت بداخل مشاعري انفجار, ندعي الحزن والهموم , ونتضايق اغلب اليوم ,
ويومنا نقضيه مابين اكل ونوم ,

اذا كنت انا حزين ,, اجل وش هالطفل المسكين ,
عرفت ان لله نعمه علينا , بدال مانشكرها بالدعاء والصلوات,
صرنا نجحدها بالانين والحسرات,
قلت لها ياخاله الصرافه ماحولنا صرافه , ولكن اخذي هالميسور , وسامحيني على القصور,
اخذته وهي تبكي , وراحت من وهي لربها تشكي ,

الحمد لله على نعمه التي لا تحصى

#4 (**permalink**) 13-07-2011, 01:37 PM

اليوم قلت علي بسرعه تعال , ابيك اغني اي اغنيه بالحال ,

التفت علي وهو معصب حيل , وقال الاغاني حرام قلت يالليل ,

قلت له طيب وطيور الجنه, قال هذولي طيور الجنه, المعلومه هذي ياترى هي منا ولا منه , بسببنا ولابسببه ,
قلت لا ياخالي هذولا مو في الجنه الحين , جلس يطالعني كانه يقول يامسكين,
قال يعني ديمه ماهي بالجنه الي تقول امي,قلت لا ,
قال احسن انا ماحبها,
بس رغد بالجنه صح , قلت لا وانا خالك , حتى رغد , قالا الا رغد بالجنه , وصعب علي اني اقنعه ,
قلت له شاطر , طيب غن , قال اووف الاغاني حرام , قلت والله ماحدني عليك الا موضوع فراشه ,ولا انا اخر عمري اترجى وشف من ,
قلت طيب ابي اشارك بصوتك, بسرعه غن لا اشوتك,
لاحظت الطفل يرفض بشده , استغربت وقلت وش عنده,
اثاري امه تقول باذنيك, لو سمعت اغاني يصب ماء النار عليك,
بغض النظر عن اسلوبها بتعليمه ,, حسيت داخلي بصرخه اليمه,
هالطفل يعرف ربه ,ويخاف تعذيبه , خلاني بشك وبحاله مريبه ,
يارب عفوك عن عبدك , اللهم لا تؤاخذنا بمايصدر منا ,

وبالاخير قلت بعد الياس طيب تقول انشوده .
قال ايه انشوده مايزعل ربي .,
قلت له يلا

#5 (**permalink**) 14-07-2011, 08:28 AM

تعبت من الكذب وايامه , وتعب من ناس تحب الغش والنمامه,
في اثناء نجاحك كلهم منك قريبين , وعند حاجتك لهم يصيرون منجنبين وبعيدين,

يكسبونك في علوك , ويتركونك في نزولك ,

معك لهم وجه جميل , مايحبون الغيبه ولا يحبون البخيل , وبغيابك يفترسونك مثل ذئاب الليل,

مثل الذيب في افتراسه لضحيه , بس تفكيره لا افكارهم غبيه ,

مشكلتهم يحسبوني مافهمهم, واني جاهل بهم , ونا من زمان حافظهم,
بس اعطيهم على جوهم ,

واحاول اكمل مسيره نجاحي , واغيظهم بانجازاتي وافراحي

واقول لهم لاتحاولون , ولاتبكوون , عن همتي العليا وربي بتبطون ,

اخذت الفرح , وخليت لهم الجرح , اخذت السعاده وخليت لهم التعاسه , اخذت الانجازات وخليت لهم الحسرات .

والباقي يامن تقول انك لي صديق ,, وانا وياك وعدنا على طول الطريق ,

وماقول الا عسى حليفي وحليفك التوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راشد الرهيب لـ ( الشرق الأوسط ) : سأنتقل إلى النصر على سبيل الإعارة في يناير المقبل	puishe-07	الرياضة والشباب	4	14-10-2010 06:53 AM
انوح من جور الزمن	سمو الاحساس	صهيل القصيد	5	01-05-2009 02:23 PM
صور على درورب الزمن	الدلع كلي	احتواء ما لا يحتوى	10	12-04-2009 11:21 PM
السمو بالنفس	سمو الاحساس	احتواء ما لا يحتوى	4	24-12-2008 01:29 AM
الزمن الجميل	خالد00	احتواء ما لا يحتوى	12	21-09-2008 06:01 AM

هــــنا سأنتقم من الزمن

ركنك الهادي