|
ياهيه كتبت فيك قصيده تعال اقراها,,,,,,,, الشعار بهالمنتدى كثير وبيعرفون وش اقصد الشاعر لا صار بخاطره شي مايرتاح الا يعبر عنه وانا وربي مانمت الا بعد صلاه الظهر وكتبت هالقصيده بواحد الله يسامحه وهو بيعرف نفسه ويهمني رايكم بالقصيده ياهيه انا دايم اراضي الزعلان اخذ بخاطره وارضيه بالحالي ومن زعل بدون سبب وبرهان خليته زعلان لو زعله طالي ياصاحبي مانيب عليك شفقان ولاهمني قربك وبعادك صفالي اعرفك ذكي وتوزنها بميزان تهرب من الحدث لحصلك مجالي جيت اناضيف والضيف له مكان عند مكرم الضيف بصفر الدلالي وان كثرت مشاركاتك بهالزمان فتاريخي بيدفنك بكثب الرمالي ولو اخذت مقام فتأكد يافلان وربي ماتهمني ولا تشغل بالي تدلع بصدك وانا مانيب ولهان ولاعرفت وين دنياك يالغالي شمالي صدره بالصبر بستان شمالي وهذ1طبع ولد الشمالي شاعر بطران من ظهر بطران تصادق افعالي ياجاهل اقوالي صاحي عقلي وبالفزعة سكران ماعمر احد قدر يناطح هبالي اجدادي من شمر شيوخ وفرسان رح دور لك رخمه تلاعبه بدالي لازعلت قال وش فيك زعلان ولا خذيت منه ماقال وش بقى لي صدقني ياصاحبي انت غلطان وغلطان من كثر معك الجدالي بتركك لنسيان يالبى النسيان يريحني يانااس من هالاشكالي وسلامتكم وانا ماحب اشيل بقلبي وبعد هالقصيده الله يستر عليه ........ |
رد: ياهيه كتبت فيك قصيده تعال اقراها,,,,,,,, تبي الصراحه معقوله بس على عموم مشكور يالغالي |
رد: ياهيه كتبت فيك قصيده تعال اقراها,,,,,,,, اقتباس:
وبالعاده قصايدي اخذ فيها كم يوم وانا اكتبها لكن هذي جات مع ضروفها لاهنت على المرور |
رد: ياهيه كتبت فيك قصيده تعال اقراها,,,,,,,, نتمنى المزيد من القصايد |
رد: ياهيه كتبت فيك قصيده تعال اقراها,,,,,,,, لاهنت يالغالي صح السانك |
| الساعة الآن 07:50 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..