|
خلقت في الدنيا وانا مامعي شي.. وبروح منها مامعي شي منها.. مساء الخير اطرح لكم قصيده للشاعر : مبارك بن فايز بن بخيت السبيعي وقصة هذه القصيدة: كان الشاعر مبارك فايز بن بخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وش بلاك يابن بخيت عسى ما شر ؟ هل انت هوجست ؟ قال : نعم . وقال القصيدة : سجه مـع الهاجـوس طبيعـة ٍ لـي طبيعـةٍ بامـوت ماجـزت عنـهـا أشكي على الخلاق وارفع لـه إيـدي لاكثـرت الأفـكـار يـفـك منـهـا أما الكرم قد فـاز بـه حاتـم الطـي حتى الفرس من شان ضيفه طعنهـا خلوني أكرم في حياتـي وانـا حـي ولامت مـدري جثتـي مـن دفنهـا خلقت في الدنيا وانـا مامعـي شـي وبروح منهـا مامعـي شـي منهـا مسكين ياللي تحسب الواجـد شـوي والعافيـه لـو تنشـري وش ثمنهـا ياجاهـل الدنيـا تراهـا كمـا الفـي يامخبل اللـي فـي حياتـه ومنهـا إن ناحرت لك قامت تـروح وتجـي مثل الذلـول اللـي طويـلٍ رسنهـا وإن أدبـرت خلتـك طايـح ومرمـي وكم واحـد ٍ لـه حاجـةٍ ماضمنهـا لابد مانرحـل عـن المـزح والغـي ونسكن بيـوتٍ قبلنـا مـن سكنهـا النفس مثل الغصن عايش على الـري ولولاه كـل النـاس عافـت وطنهـا يالله عسى الحسنات تقضي على السي لاقربـوا للنفـس ذرعــة كفنـهـا / / / وسلامتكم |
رد: خلقت في الدنيا وانا مامعي شي.. وبروح منها مامعي شي منها.. مسكين ياللي تحسب الواجـد شـوي والعافيـه لـو تنشـري وش ثمنهـا انا اشهد انه صدق لاهنت يالغالي على الطرح الرائع تقبل مروري |
رد: خلقت في الدنيا وانا مامعي شي.. وبروح منها مامعي شي منها.. الله الله صح السان الشاعرمبارك ابن فايز على هاذي الدرر الي كل بيت منها عن قصيده ولاهنت اخوي على النقل الرائع دمت |
| الساعة الآن 07:02 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..