|
قصيده تبي من يجاريها (وهج تنور) بسم الله الرحمن الرحيم اولا احب امسي / واصبح عليكم اخواني الاعضاء ولاحظت ماشاء الله الشعاار الي بهالقسم ابداعاتهم رايقه وكثيره وحبيت اجيب شي جديد عشان استفيد منكم وتستفيدون مني والنقد مقبووول منكم لاي قصيده من قصايدي على عيني وراسي المهم هذي قصيده كتبتها اليوم بعد ماطلعت من المنتدى وابي اي شاعر يقراها يجاريها اقل شي ببيتين والي موو شاعر يكفيني رايه القصيده تقول : ياصاح خاطري من الوقت مكسور واشكي عليك بعد الله معاناتي اضحك مع الناس ولا نيب مسرور واخفي وراء ابتسامتي عبراتي لي صاحب ياصاح بحبه مسحور وقربه علي من اغلى الغاياتي حالت بيني وبينه سنين وشهور وصار وصاله من المعجزاتي في قلبي من الفراق وهج تنور يحرق جوفي ويزيد من الاهاتي حولي من الناس قرايب وجمهور ولا فيهم من درى بسبب علاتي يحسبوني مرتاح وانا حيل مقهور من فراق خلي توهجت حسراتي ابعدوه وهو على البعد مجبور ولالي ونيس بعده غير دمعاتي ماء على الخد بخلوتي منثور يعبر عن عجزي وقله حيلاتي وسلامتكم |
رد: قصيده تبي من يجاريها (وهج تنور) صح لسانك يالغالي وهذي مجأرة بسيطه أتمنى أن تكون بداية التفاعل مع قصيدة شاعرنا الكبير ولد الشمالي هات القلم و دوّن جملة سطور=برسم الوفاء للشمالي وافياتي البارحة ليلي من الحزن مغدور=تجددت جروح(ن) بالقلب ساكناتي من قبلها وأنا عن الشعر محظور=واليوم جيت على صوتك ياغناتي البعد سم المهاوي وموت الشعور=والبوح مثل الجمر بوسط الهاتي ويبقى الامل بقلوبنا مقباس نور=على نوره نسرج أسعد الامنياتي يالشمالي خلك على وقتك صبور=والفرج من عند رب العباد ياتي |
رد: قصيده تبي من يجاريها (وهج تنور) وصلني خط ياصاح بالابداع محكور لوفات وقتي ترى ردي مافاتي ياصاح ضاع النذر بعد المنذور وصارت الاحزان علينا متراجداتي اجلا همك كل هم تراه مقدور وفزاع لك ولو طالت مسافاتي لي بهالوقت منطق ولي منظور وتلزمني الخوه بالطيب ياغناتي مزيون موزنبيق اتقنت الدور لاهنت يالغالي تقبل تحياتي |
| الساعة الآن 09:02 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..