مدري وش اللي فيك يجذبني مدري بصراحه وش اللي فيك يجذبني صمتك .. هدوءك .. شموخك أو معاناتك في كل صفحة غلا ألقاك تكتبني واصير انا لغز حاير بين ابياتك إن جيت يمك عطش بالحب تشربني ليلٍ سهرته يذكرني بنجماتك ان قلت اببعد سحر عينك يقرّبني عمري ابتدا بين نبضاتك ونظراتك تدري شعورك فرح أو حزن يعجبني بعثرتني بين بسماتك ودمعاتك فرقاك فيها دموع العين تغلبني ياليتني غيمةٍ واعشق مسافاتك وامطر على درب قلبك يامذوّبني واصير غصنٍ حياته دون همساتك أهجر .. تغلّى .. بكيفك .. صد شيّبني أصلا شبابي عرفته بعد لحظاتك وتصدق اني لمحتك يوم تسلبني لكن تركتك .. عجبني نوع سرقاتك ناي الهوى صار وسط الروح يطربني صوّرت ذاتي سفينه .. في بحر ذاتك لك في ضلوعي يدين الشوق تحطبني يروق جو المسا مع طيب نسماتك ماودي اكذب .. خفوقي فيك تعّبني مدري وش اسمي غرامي في حكاياتك؟ إن كان هذا عذاب .. ارجوك عذبني وان كان حبي غلط .. يازين غلطاتك |
رد: مدري وش اللي فيك يجذبني ., سمو الاحســـــــــا س أختيــــار مذهــــــــل أحساس راااقي نقل لنا هذا الجمال الشعري دمت بهذا النقـــــــاء تقبل مروري .. |
رد: مدري وش اللي فيك يجذبني سمو الاحساس اختيار رائع وموفق قصيده بقمة الروعه والجمال ... تقبل ودي وردي دمت بخير |
رد: مدري وش اللي فيك يجذبني الوليدي لاخلا ولاعدم منك شرفتني |
رد: مدري وش اللي فيك يجذبني هدووء القمر مرورك هنا اسعدني |
الساعة الآن 10:26 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..