|
باقي على شفتك روج ياعــــين من حطيت عيني بعـــــينه وابطيت واقف في بحر عينه أموج ابحـــــرت في عينه بليا سفـــينه سجيت فيها لين ضيعني الموج حاولت ..ألــدّ الشوف عما يهينه ولا انتبــــــهت الا وانا فيه ملبوج شفت الفتـــــن في ملتقى حاجبينه والسحر في عينه مع الزين مدموج اسود سواده لابسته السكينـــــــــ ه وابيض بياضه طايش اللون مرجوج زاويه طــــــرف ٍ حاجز ٍ دمعتينه لولاه كان الخد بالكحل ممـــــزوج كاســــــيه رمش ٍ زاد ملحه وزينه من فوق متكحل ومن تحت مدعوج بين الرموش السود شفت الغبينه واللي رماه الرمش ماعاد له بوج مرت ثواني من حيــــــــاتي ثمينه وانا اتهادى بين الاشواق وأدوج مرت وانا قابـــــــض على راحتينه واقف مقابل له وساهي ومدلوج مدري وش اللي صار بيني وبينه والقلب ماردنه ضلوعي العــــــوج ولا انتبهـــــت الا بسحبت يديـــــنه قال انت تبغى الناس تلحقني هروج قلت اعذر اللي شافك الله يعينه بيبطي ودمعه بعد فرقاك مزعوج عينــــــك بنظرات الغلا مستهينه قال الغلا في داخل القلب منسوج قلت الوعد قال ايه كلش بحينه الله يفتح لك من الضيقه فجوج قلت آآه طيب شف لي الدرب وينه |
رد: باقي على شفتك روج قصيدة حســـــــــــاس ة جدا ً |
رد: باقي على شفتك روج كبوة مشاعر مرورك اسعدني |
رد: باقي على شفتك روج سمــو الاحســـاس قصيده جميله وعباراتها قويه.. أبدعت في الاختيار دام لنا ذوقك الراقــي دمت بحفظ الرحمن |
رد: باقي على شفتك روج سمو الاحســــــاس مبــــــــدع في انتقائـــــــــ ــــك اختيـــــــــار مميـــــــــز لنص شعـــــــــري رائع واحســاس راقي ذائقـــــــه عذبـــــــــــه نقلت لنـــــــا هــــذا الجمـــــال دمت في حفظ الرحمــــــن تقبل مروري .. |
| الساعة الآن 06:56 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..