- -
كحلة طبيعي
(
http://www.rwwwr.com/vb/t51763.html)
| سمو الاحساس | 01-06-2011 12:55 PM |
كحلة طبيعي
البارحه ماغفت عيني علـى كوعـي
حتى بدا الصبح ولفرضه دعا الداعـي
واللي من الثلث الاول نيم واهجوعـي
ناموا وقاموا وأنا في سجتي واعـي
من حب غروٍ صغير السن مربوعـي
سنه مع العشر عشر وثلث وارباعـي
شوفه طعامي وطولة غيبته جوعـي
نادر تواصيف زين اخلاق واطباعـي
اهيف حشا كن خصره منه ممزوعـي
والصدر توه برز واعيونه اوساعـي
والرمش مدعوج وامن الكحل ممنوعي
كحله طبيعي ومال المكحلـه داعـي
فرقة اموسّط ثمانـه مالهـا نوعـي
مدخال سلكٍ حريـرٍ ناعـم اصناعـي
ولميعهن كنّه من اللـول مرصوعـي
والاّ البرد قبل ماياقع علـى القاعـي
امبيسمه كنّه امن التـوت مصنوعـي
والخد بـرقٍ ابعـال المـزن لمّاعـي
اسهيّف كنّه مـن الخـوخ مقطوعـي
وأن لدّ ظبيٍ امن التفّـاق منصاعـي
لااقبل من ايمين فيه الوشم مرزوعـي
وشمٍ إلاهي ماهوب اوشـوم خداّعـي
والعنق عنق المها مع ريمٍ ارتوعـي
ماعاد ينشاف له عينـات وانواعـي
اعسف على وصفه القيفان وتطوعـي
شرّاد الافكـار مـع طاريـه ريّاعـي
اصارع الياس لي عاميـن واتوعـي
ارجي عسى العلم بالافـراح ينذاعـي
اليا ذكرته ماهوب من أقرب اربوعـي
طقيت كفي وقمت اطقطـق اصباعـي
واليا ذكرته من أصلي شعّع الشوعـي
واشوف من دونه اهل الغيره اوزاعي
عن وصلته مستقرّ بقصرت البوعـي
من سلمنا والشريعه ثانـي اذراعـي
|
|
| كنق الفياض | 01-06-2011 07:45 PM |
رد: كحلة طبيعي
الله الله
سمو اهنيك على هيك اختيار
بصراحه فيه كم بيييييت ع الجررررررح
لاهنت يالسمو وطلق وحلا تقيم لك
وهنيك ع التنسيق والحركات :)
لاتحرمنا من جديدك العذب
:nabd: |
| سمو الاحساس | 01-06-2011 10:01 PM |
رد: كحلة طبيعي
كنق
يسلمك ربي لاهنت
شرفتني |
| سمو الاحساس | 01-06-2011 11:40 PM |
رد: كحلة طبيعي
الشقردية
الشرف لي انا بتواجدك هنا بمتصفحي
لاهنتي |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
HêĽм √ 3.1 BY: ! ωαнαм ! © 2010
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..
a.d - i.s.s.w
