يازين حبك عافس ٍ حالتـي عفـس

يازين حبك عافس ٍ حالتـي عفـس
صبحي مساء ..والليل أصبح قوايل


لا جيت ابرقد قام فكـري يهوجـس
واتخيل اسمك صار بدفتـر عوايـل


ازريت اقاوم حبـك اللـي تفقـس
وقام يتكاثر مـن جميـع الوسايـل

تلخبط التاريـخ عنـدي وتلحـوس
مدري انا صاحي أو من العقل زايل


حبك لحس مخي ومن اللحس فلـس
و ماباقي إلا العظم وبعض السوايـل


هبلت بي ياجعـل وجهـك يخَفَـس
صرت البس الغتره على عقال مايل


وافطر مرق واخلط مع الشاهي البس
ومعاد اميـز بيـن نيـدو وسايـل


يابو مبيسم فيه من شنطة الجمـس
بعدك ترى عني يسـوي الهوايـل


ولك شفة ٍ تشبه كفر كابـرس اس
من كبرهـا قالـوا عليهـا المثايـل


وعليك خشم بوسطه الثور ينـدس
وشعـراً عـراده ماقوتـه الجدايـل


والا العيون اللي لها ماركـة بِـس
فيها الهدب ذابل يسـوي العمايـل


لامن ذكرت الجسم والوجه الاملـس
تطري على عتـاب بنـت القبايـل


ولون ٍ فريد ٍ اسودٍ غامـق ادمـس
من طيب لونه صار رمز الأصايـل


هذا الذي حبه دبس خافقـي دبـس
غيره أبد ما اقبـل جميـع البدايـل


طالبك ياحظي تقـوم مـرة ٍ بـس
كمل لي المشوار وخلنـا حلايـل..

ماراق لسمو الاحساس