فزيت من نومي

فزيت من نومي وانا أقول لبيك


شفتك بعد غيبه.. وحاولت احاكيـك
مهوب من قلبي ولا مـن جراتـه

بغيت اقول / فلان وازريـت اناديـك
وكني سمعت اسمـي معـا الالتفاتـه

فزيت من نومي وانـا اقـول لبـيـك
وآثرك رويا .. فـي منامـي وجاتـه

صفقت كف .. وقلت يا حلم بشويـك
جددت لي جرحن هنـى فـي مباتـه

يا اللي شريت البعد .. ما غاب طاريك"
حتى لو ان البعـد .. سـوى سواتـه

ماهوب محزني .. على حاجـتـن فيـك
إلا إن قلبي شايـفن بـك غـنــاتـه

كن الطيوف تقـول وشحـال غاليـك
وآقول راح .. وما بقـى الا غلاتـه*

لو ان ما جانـي مـن الهـم ياتيـك
كان المصلي ما حفـظ وش صلاتـه

مريت شآرعك .. وصادفنـي آخـيـك
واللي قطع كبدي .. حلاتـك حلاتـه

بغيت الخبط من دعايـاه ,, وادعيـك
واسمك وقف بين اللسـان ولهاتـه

وبغيت اجيب العيد وآقول : يرضيـك
فاللي وصاتي له .. وضيّـع وصاتـه

البعـــد ,, شيّـب خافـقن ميـت فيـك
والى مشى خطوه عثر فـي عصاتـه

مشكلتي / إن قلبـي يحبـك ويغليـك"
ومشكلتك / انك شخص عايش حياتـه"

كثر الجفا .. نـار .. وحطبها تغليــك
خف الحطب .. لا تزيد نـار الشماتـه

إن ما احزنك جرحن برجواه يدعيـك
ما عاد تفرق .. عيشته مـن مماتـه

قلبي وعمري .. كلهـا بيـن اياديـك
العمر فدوه .. لكـن القلـب هاتـه

وإن ما بغيت ترد قلبي مـا اوصيـك
احسن عزاه .. اليــآ دريـت بوفاتـه..!!




رااقت لي