مجالس الرويضة لكل العرب - مـــن الـأخــــــــــ ــر

يامـوتـك أنـتـي يــا أنــا أمــوت وأرتــاح=مافـيـه غـيـر الـحـل هــذا مــن الآخـــر
والـلـي يعـيـش بيـعـرف إن الـغــلا راح=ولا يـعــود الـلــي أنــدفــن بالـمـقـابـر
الـمـوت أرحــم مــن حـيــاة ٍ بـالأتــراح=ملـيـت أقــول إن الـفـرج جــاي ونـاطـر
لو للمنايـا سيـوف أنـا عشقـي أرمـاح=أوجــاع شـقّـة صــدري تنـهـي وتـامـر
ودي بموتـي منـك وأنـتـي لــي ذبــاح=عشـان قـبـل أمــوت أبــوس الخنـاجـر
تعبت وقلبي علـى غصـن الشقـا نـاح=مـاعـاد فيـنـي حـيــل بالـصـبـر أكـابــر
مـحـروم مـنـك ومــن حوالـيـك بـأفـراح=يـسـعـد صـبــاح الجـامـعـه والـدفـاتــر
ماغـيـر أنـــا أتخّـيـلـك ويـطـيـح تـفــاح=عـجـزت أحــل اللـغـز والغـيـم شـاطــر
كنت أحسب إني فاهم وماخذ أوشاح=قــبــل تـقـولــي يـاحــلــو روح ذاكـــــر
والحيـن جيتـك طـيـر ٍ وذيــب وسـبـاح=ومجنون وعاشـق كلهـا وسـط شاعـر
لاتقولـي أصبـر والصـبـر داخـلـي فــاح=وأحـرق ثيابـي جمـر مــن كـبـد صـابـر
يممـت لــك وجـهـي بـعـد بـارقـك لاح=وأطــوي لــك البـيـدا بـكـف المـخـاطـر
معبـودة الحـسـن إنخلقـتـي بمصـبـاح=واللـيـل أسـلـم عـقـب مـاكــان كـافــر
مـنـك أنـشـرح لـيـل ٍ بــه آلام وأجــراح=ويـرتـلــك مــهــووس ٍ أيــــام ســاهــر
كان العمر عندي على شكل مسبـاح=الخـيـط روحــي والـخـرز أمــس وبـاكـر
والخيـط بيـدك صـار بـس الـخـرز طــاح=تكـفـيـن لـمّــي كـلــي الـلــي تـنـاثـر
مدري وش اللي باقي ٍ فينـي ماصـاح=كــل الـضـلـوع الـحــدب مـنــك تـزافــر
والله والـلــي حــــط بـأجـسـادنـا أرواح=إن كــان مـتـيّ لينـبـش القـبـر جـابــر
ودي أمـــــوت ولا تـمـوتـيــن أبــرتـــاح=أخـــاف لـــو مـتــيّ أحــفــر الـمـقـابـر