http://qahtan.net/download/do.php?img=2679

http://www.3naad.com/up/uploads/12995590651.gif

آه ياتاج انتظاري
لو فضولك من حنين ..!
كان شفتي في مراية وجهك الطاهر مسافهْ .. بين حزني والحقيقة ..
كان يعذر قلبك ( الشاعر ) صديقه ..!
كان وقّفتي دقيقة تسامحين ...!

http://www.3naad.com/up/uploads/12995513771.gif

انادي .. من ورى صوتي : ( ابيك الحين )
ابي .. ألمسك فعيوني ومايحرق جفوني ملح
وابي القاك وسط الليل ساعة صبحْ !

http://www.3naad.com/up/uploads/12995513772.gif

أجي ودي عناقك بس خايف لاتصدِّيني
واجي ودي فراقك بس ( ضحكة صوتك ) الفتَّانْ
تضيِّعني ورا حزني تدوّخني ترابيني
وأجي مديون من غلبي وانا اللي فا لأصل ديَّان

http://www.3naad.com/up/uploads/12995514811.gif

مساكْ بربكة الساعة وصوتي لاتمثّل روح
تخلَّق داخل أنفاسك ويكبر لحظة الهامي ...
أحبك إيه انا لحالي قدرت أقولها وابوح
أخاف هناك من صوتي صداه أكبر من اسهامي
تقوليلي ( كثير اشتقت ) ؟ واقول أكثر من المسموحْ
أفتّش في شوارعنا ..عن أجمل بيت قدامي .!

http://www.3naad.com/up/uploads/12995514832.gif

صباحك .. أوله نسمه ..
وأحلى مابقالي منك صدى كلمه
( أحبك )
آ’ه ما أعذبها .. وما أصدقها وما أكذبها
أقول .. انتي تحبيني كثر صوتي ؟
عصافير وشجر وأوراق !
وشاعر ينتظرله فراق !
في موتي ..
يموت الشارع المخفي .!
وقنديل الصبر يطفي ..
تجين ومامعك صوتي
ولا موتي
ولا حتى وهم مشتاق .

http://www.3naad.com/up/uploads/12995514883.gif

أحبك كثر ما هالشارع المزحوم ذكّرني ..
أحبك كثر ماصوتك افعز البرد دثّرني
وانا لحالي رضيت بحزني الأول ..
وخوووفي حزني التالي ..
تحبيني ؟
تحبيني .؟
أمانة بسْ قوليها
تراك أكثر
بعد أكثر ..
وحشتيــــــــني
-

http://www.3naad.com/up/uploads/12995516371.gif


أنا واحساسي اف بعدكْ عصافير وشجر وأوراق
ظِلالْ وشمس لو تغرب يجينا ليلنا الثاني
عيونك موطن الساعة ودقّات الحنين أشواق
نسي في شارع الأيام لايعطيك عنواني
إذا أمسي مثل يومي شجن وأخبار ماتنطاق
أبـ..انسى ذكرياتي يوم واذكر بعض نسياني !

http://www.3naad.com/up/uploads/12995516382.gif

يا مسافة !
جاوزت ظلي وما منها حسافة !
يكفي إن الدرب مع صوتك مدينة !
يكفي اني والشوارع لاتغيّبتي حزينة !
آخذ احساسي ..معاي !
واترك الشارع وراي
واتضيّع !
علّمينيْ
كيف ادلِّ الحين دربي
والشوارع كلها نادت عليك ..!

http://www.3naad.com/up/uploads/12995516383.gif

قلبي معكْ مهما تخافين يحميك
حولك مثل ظلك مكانه مكانكْ
أقطف من غصون الوله شوق وأعطيك
وأظلّل الصحرا بغيمة حنانك
يا نايمة في عين نورس تراعيك
كل النوارس حالمة باحتضانك

http://www.3naad.com/up/uploads/12995516384.gif

مسا بنت المسا أنثى وصوت افلهفته مبحوح
وقلب يحاور أيامي ويشغلني عن أحلامي
مسا قلبك يناديني وانا في شرفته مذبوح
أفكّر فآخرةْ حبّي واناظر حسرة أيامي
مساك انتي مسا ( الحارة ) مسا شبّاكك المفتوح
اذا ناظرته بعيني أخاف تخونك أوهامي ..!

http://www.3naad.com/up/uploads/12995517831.jpg

أبيكْ انتي ..
لونِّك فآخر المشوارْ
لونِّك لي حمامة دارْ
عرفت ( المستحيل ) انتي
وحلم المستحيل انتي
أبيك انتي
ولو كنتي
فراشة .. مستحيل تعيش
حول النارْ
حمامة فوق سور الدارْ
ومن حول البيوت اصغارْ
رموا بحجار وانصبتي ..
أبيك انتي ..!!

http://www.3naad.com/up/uploads/12995517832.jpg

مسا صوتي ..
صدى موتي .. مسا ك انتي !
متى كنتي ؟
يد الشاعر وديوانه
مدى تفكيره بشعره ونسيانه لعنوانه ..!
أمانة يا أول السهرة تظلّي لآخر السهرة ..
تعبت أجمع لك الفكرةْ
تعبت أكتبك وانتي غير ..

http://www.3naad.com/up/uploads/12995517833.jpg


حتى الطريق
اللي ابتدا فيه االكلام
عيا معي قبل الظلام
اني أمرْ ...
لو انتظرْ
في مدخل الحارة واشوف الناس حولي يعرفون .!
إن القمر نصف الشهرْ ..
وان القهر ..
لا صرتْ ما تقوى السهر ..!!

http://www.3naad.com/up/uploads/12995517834.jpg

ودي اشوفك بس لو وردة على غصن الحنين
قلبي أمين
عيني طويلة قصّرتها ربكة الشارع
وشكّ الواقفينْ
واللي خلقك أحلى وأحلى اشرب القهوة وانتي تناظرينْ
لكن أخاف
إنك إذا جيتي نموتْ
ونورّث الوقت السكوتْ
جايز تجين لو بس حتى تدركين
إني أنا والليل ..
في ذمة تعبنا من عناوين البيوتْ ..!

http://www.3naad.com/up/uploads/12995517835.jpg


مثل رش المطر هادي ..
على الوادي
مثل مانتَ بقايا حروفْ
وأنا في حزني الأول مثل ماتشوفْ
أنادي راحة الخاطر
وأنا شاعرْ
وأحنِّط شهقتي ملهوفْ ..!

http://www.3naad.com/up/uploads/12995518361.jpg

أبي أكتبْ
عشان ألقاك من أوَّلْ
وأبي أشطب عشانْ أقراك وأطوِّلْ
سهرت الليل بذنوبي
نسيت العطرفي ثوبي
وطرت بحرفك الأوَّل ..!
مساء الحرف كله فالغرام يهون
دموع الصوت أو حتى دموع الكون ..!
أنا عاشقْ
قبل هذي الحروف وذي
ومن عشقي بديت أهذي ..!
جمعت لحسرتي فالليل نجم الصبحْ
وعشت بعطرها فالصبح ضحكة جرحْ
أبي أكتبْ
وأبي أشطبْ
وأبي أرجع من الأولْ
أقول أحبْ .!

http://www.3naad.com/up/uploads/12995518362.jpg

شجن ما يكفْ
وعين ترف
وحزن يصادر إحساسي
أنا ما أعيش بأنفاسي
وإذا مرة سألتيني ..
عن أحزاني .. وعن ياسي
بقول انتي
وعن حلمي ونوماسي
بقول انتي
وإذا مرة ..تذكَّرتي وأنا ناسي
بقول الذكريات انتي
شجن ما يكفْ
وعين ترف
مرار الوقت في كأسي .

http://www.3naad.com/up/uploads/12995518363.jpg

نمر فيومنا الثالث ..
ولا أشوفك ..
أفكِّر بس بظروفك
وأناظر شوق بحروفك .
أحس برعشتك .. خوفك
من اللي صار ..
أكيد البارح احتجتي لأحد مثلي ..
ومن بعدي .. محد بعدي ولا قبلي
أنا اللي أعرف إحساسكْ ..
وأعيش الخوف بأنفاسك
وأنا اللي فيومنا الثالث
تحريتكْ
ولا جيتي ..
وصرت أخاف من بيتي

¸¸.•´¯`•.¸•..>>--»

السلام عليكم ورحمة الله وبركاتة
صباحكم " مسائكم | أمنيات ورحمة
هذي النصوص للشــاعر| إبراهيم الوافي
إن شاء الله تصل إلى ذائقتكم
لـ أرواحكم الورد

مدمر برشلونة؛
حي الله هالطلة
الأروع هو تواجدك خيو
كلهم فداك
شاكرة لك هالحضور الراقي
لاعدمناك

تربوي؛
حياك خيو
أخجلت تواضعي بكلامك
وجودك بمتصفحي له رونقة الخاص
ودي لصفاء روحك

سمو
اسعدني تواجد

أهلين فرفوشتي؛
الروعة هي طلتك بمتصفحي
ماننحرم منك يارب
اكاليل الورد لروحك

منورة يا الغالية