تعبت ألمح بالقصايد وأحاكيه ...

مدخل/

مالك علي الا ارسم جنـاح وآطيـر .. وارجع جـروح الغريـب لوطنهـا
وانتي : امانه اذكري (ليه تقسى ) بخير .. لا مر بك طاري الجـروح وزمنهـا
غلطة يدينا .. والا غلطـة مقاديـر .. مـدري : ولكنـا دفعنـا ثمنـهـا

ابـدع بيوتـي وانـظـم القيـفـان مــن شـبـه إنـعـدام

لـوكــان اشـــد اطنـابـهـا وارفـــع عــمــود خـيـامـهـا
هـــــذي حـقـيـقــه والـحـقـيـقـه مايـخـالـطـهـا حـــــرام
بـقـولـهــا والــنـــاس اقـيـمــهــا واعــــــرف قـيـامــهــا
تــرى الصـداقـه بالنـقـا والـصـدق وحــدود النـظـام
ماتنمحي تبقى على طول الليالي يا ,, (مها )
وأنــــا عـرفـتــك والـمـعـرفـه مــــن بـدايـتـهـا ســــلام
وأنـــــــا تـمــنــاهــا تــــطــــول سـنـيــنــهــا وأيــامـــهـــا
لـوكـان دجــت المملـكـه جـنـوب وألا رحــت شـــام
مانـي محـصـل فــي صفـاتـك شرقـهـا مــع يامـهـا
بـالـشــعــر وألا بــــــالأدب بـالـعــقــل وألا بـالـمــقــام
مـــالـــك حـــلـــيٍ فــالــعــذارى لـوكــثــيــر اهـيــامــهــا
اشغلـت فـكـري والعـيـون القـشـر حاربـهـا المـنـام
والـنـفــس عــافــت زادهــــا كــنــي بــعــز صـيـامـهـا
مالـي جـداء غيـر ابـدع الأبـيـات وانـظـم مـايـلام
ومـذكــرات الـشـعـر مـلــت مــــن دمــــوع اقـلامـهــا
يــاوردةٍ للقـحـويـان بـغـصـن مـــن عـــود الـبـشـام
يـجــذب عـبـايـر ريـحـهـا والــنــاس مــحــدٍ رامــهــا
ياليت ريح العود الأزرق فيـه مـن ريـح الخـزام
لـجـلـه يـــرد الـــروح ألــــي ذعـذاعـهــا وأنـسـامـهـا
الله يلقـيـهـا الـفــرح فـــي كـــل يــــوم وكــــل عــــام
ويـجـعــل لــهـــا تـوفـيـقـهـا فـــــي دربــهـــا قـدامــهــا
ياخشف ريمٍ يفجعه صوت الهوى وسـط الثمـام
انـصــي رجـــالٍ فـــي ذراهـــم تحتـمـيـك اسـهـامـهـا
مـاقـولـهــا بـالــقــول لاوالله فــعـــولٍ مــــــن حــــــزام
لاشـبــت الهـيـجـاء وثــــار عـجـاجـهـا وعـسـامـهـا
مطران قـــــــومٍ لاتـــــــذل ولاتـــــــزل ولاتــــضــــام
عــز الـخـوي والضـيـف هـــذا سلـمـهـا وإنظـامـهـا
تــارد مـواريـد الجـمـال الـلــي تـداحــم مـــن حـيــام
وتصطي كما صطوا الحرار اللي يشوق حيامها
ياما سروا مسرى الذيابـه فـي غطاليـس الظـلام
بـالـرايــه الـبـيـضــاء بـيـارقـهــم تـــــرف اعـلامــهــا
مــن غـيـر نـقـصٍ بالقبـايـل دام عــز الحـكـم دام
الـلــي بـظـلــه عــــم الأمــــن المـمـلـكـه واقـسـامـهـا
الله يــعــز الــلــي نــكــن ألــهــم جــزيــل الأحــتـــرام
الـــلــــي دلـيـلـتــهــم شــريــعـــة ربـــنــــا واحـكــامــهــا
حكـامـنـا ألاد الـسـعـود أهـــل الـمـواقـيـف الـعـظــام
الـلــي حـــووا كـــل الـضـعــوف وكـفـلــوا فأيـتـامـهـا
وهــاذي رسـالـه مبهـمـه عـلـى جناحـيـن الـحـمـام
مــزخــرفــه بــالــمــاس فــأولــهــا لـــحـــد اخـتــامــهــا
وألا الصـداقـه بالنـقـا والـصــدق وحـــدود الـنـظـام
ماتنمحي تبقى على طول الليالي يا ,, (مها )

مخرج/

ماأذكر بكيت../ البكا ماهو من اطباعي

الين مامرت الذكرى بـ شارعها

ولاكنت أحسب السنين بتلوي ذراعي