|
نافورتنا ونافورتهم ...! صورة مع التحية لبلدية الرويضة مساء الخير للكل اكيد كلكم شفتوا النوافير اللي ماعرفنا وش تبي مرة ما فيها موية ومرة مطلعة الموية برا الحوض حقها جبت لكم كم مقطع من النافورة الأكبر في العالم اللي افتتحت حديثاً في الأحساء برعاية امير الشرقية ويقولون كلفت 10 مليوون ريال << المبلغ هذا ماخش مزاجي بس موب مشكلة حنا نبيهم يسوون لنا نافورة محترمة انا ما ادري عن التكاليف بس ما اقول سووا لنا زيهم بس نبغى نشوفكم يابلدية الرويضة تشتغلون نبي نحس انكم قلوبكم على البلد موب ماتدرون وينها فيها واسمحوا لي استغل هالفرصة وبمناسبة قرب الأنتخابات البلدية اقولكم يالربع ترا شغل فزعات ماعاد يصلح اذا تبي ترشح رشح واحد تحس انه بينفع الديرة وشكرن لكم هذا المقطع مقطع 3D للنافورة http://www.youtube.com/watch?v=1bU7zVw3i40 مقطع النافورة الصدقية صحيح ماترتقي بس ان شاء مع مرور الوقت تصير احسن :) http://www.youtube.com/watch?v=uFQ_2PFB674 مقطع آخر http://www.youtube.com/watch?v=uFQ_2PFB674 ^^ مشرفينا مدري هو ذا مكان الموضوع او لا بس اتمنى يكون بالمكان الصحيح :) |
رد: نافورتنا ونافورتهم ...! صورة مع التحية لبلدية الرويضة ياخي مصدق انت هالبلديه انا قبل سبوع جاي الريس حقهم يشيخ ماداوم الا على الساعه 11 ونفسه بطرف خشمه جاي توه قايم من النوم وبيتكي ساعه وبذن الضهر وبيطلع كالعاده انا اقول هالمشاريع الصغيرهـ الي فاللديره من اعضا المجلس البلدي الاولين يمكن هم الي يحسون شوي واسئل الله ان ينفع بالاعضاااء الجدد وانا مانضلمهم ولايضلمون ديرتهم ... لاهنت ابورندا |
رد: نافورتنا ونافورتهم ...! صورة مع التحية لبلدية الرويضة مافيه مقارنة اكيد ونافورة الرويضة مجرد اسم حتى ماتقارن بنافورة القويعية مع العلم انوو موقع نافورة الرويضة اطلق من القويعيه بس هالشيء البلدية لها يد فيه << يعني حكينا والا ماحكينا مالنا الا هالنافورة واحس لو اطل فيها مافيها دينموو لضخ الماء يعني مجرد لي لا اكثر وياقلب لاتحزن << تحياتوو هموسه |
رد: نافورتنا ونافورتهم ...! صورة مع التحية لبلدية الرويضة اسمحوا لي استغل هالفرصة وبمناسبة قرب الأنتخابات البلدية اقولكم يالربع ترا شغل فزعات ماعاد يصلح اذا تبي ترشح رشح واحد تحس انه بينفع الديرة ماذبحنا كلنا الا شغل الفزعات لكن حسبنا الله ونعم الوكيل على كل متقاعس عن عمله سواء داخل او خارج الرويضة ضف لذلك اضاءة زعابة وقهيدان ومدري وشوو << الاضاءة فيها عطل تجلس سنة بعدين يزينون جهه والثانية تخرب هههههههههههههه مدري حقيقه بس شيء يخليك تصيح قهرررر شكرا لك خيووو موضوعك في الصميم واسفةعلى طول الكلام |
رد: نافورتنا ونافورتهم ...! صورة مع التحية لبلدية الرويضة بعد 28 سنه احتفل الاهالي في الرويضة بنافورة لا ونافوره يمكن يحط مثلها اي مواطن في بيته مافيها شيء يستاهل نسميها نافورة ماسورة ومكسورة مثل مواسير المياه في الاحياء القديمه بالرياض . بلديتنا نايمه في العسل لا رقيب ولا حسيب ولا مجلس بلدي قام بدوره والكل على بعضه تسبب في سوء الأداء . ابو رند : يعني ماعندكم تجاوزات ياما وياما وياما كل يحوش القرص لضوّه . |
| الساعة الآن 10:34 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..