مرثيـــه ولد الشمالي لحبيبه عسى الله يرحمه

شخص قريب مني حيل

كل ماحتاجه الاقيه صادقني بطفوولتي


كان لي كل شي بنيت معه احلام كبيره بعالمنا المتواضع

ولكن هادم اللذات ماترك للفرح مساحه بقلبي


تقول قصيدتي

يابحور الحزن بالله اخذيني معك رحال
العبي فيني بين اموااجك بعد كل ماصار

غاب الفرح من دنيتي بعد طيب الفال
وصارت مواقيد الفراق تشعل النار

خبر وفاته على كياني اعظم زلال
حبيبي قلبي مات وذكره تبخر وطار

من بعده يشيل همي ويجدد بي الامال
من الي يغير نظرتي للبشر والاقدار

تركني لحالي بعالم كله اغراب وانذال
ليته خذاني وريحني من هالزمن لو جار

تعبت من مسلسل حزن بحياتي طال
سيناريوه القدر وابطاله ناس اشرار

ياارب ارحم عبد الالم فيه حطم الامال
ودمعته تخاويه وحياته كلها اسرار

بعد غيابها صارت احلامي كوابيس الظلال
وصاب خاطري انكسار وشخصيتي انهيار

ادور الاسباب و اكذب موتك واقول محال
حبيبي يتركني بهالزمن ويبتعد عن الانظار

خلك معي ترى خيالك بحياتي له موال
يطري لجل اكذب موتك لو تناقلته الاخبار

حبيتك وربي حب طاغي حب يفوق الخيال
حب قوي نشر النور بطريقي وبناء الاسوار

اسوار تحميني من البشر من الظلم والاحتيال
وتبث فيني قوه وعزيمه الى نهايه المشوار

والله لجلك اعبر الارض من جنوب لشمال
واذبح من الخلق لوتبي كم مليون و مليار

بس ترجع لي ثواني يابعدهم بسالك سؤال
وينك ونا اجيك لو امتلت دروبي بالاخطار

على كفي نبت للحزن زرع وحصدته الاجيال
نبت واسقاه من عيني غيمه ذرفت الامطار

حبيبي بعد رحيلك قفلت على قلبي الاقفال
وطفيت نور الفرح وطفا بعالمي كل الانوار

وعدتك اكمل طريقي ولو تغيرت الاحوال
واكون حبيبك الاول قوي ومال لقوته مقدار

صحيح ان حزني عليك من ثقيلات الاحمال
وصح اني من بعدك ضايع بين شتى الاقطار

بس ببقى اذكرك مع الوقت المرير ولو مازال
ويبقى ذكرك بقلبي حي ولو لعبت فيني الاقدار

وبنتظر طيفك على قلبي يسير ويريح البال
والله لا اضمه وابكي ندم ودموع كلها امرار

يقولها ولدالشمالي وانا لقولها كفو ماني دجال
والله يادنيا ماتوطين راسي ولو الزمن دوار


وســــلامتكم


طلب صغير لوتكرمتوا ادعو له بالرحمه والمغفره

ولد الشمالي

::
الله يرحم خويك ويسكنه جنات النعيم ..

:
بصراحه ابيات جميله وعجبتني كثيرررر

ابيات حساسه ..وسمح لي بكم بيت احتفض فيها

::

صح لسانك يمدع .. لاتحرمنا من جديدك العذب
ولك اطلق وحلا تقيم يالغلا

/
لاهنتو
ودمت بود

الله يرحمه ويسكنه فسيح جناته
قصيـــــده رائعه وأبيات معبره
وما أروع هذا الوفاء منك ولــــد الشمــالي
دمت مبدعاً ومميـــــــــزا ً
تقبل مروري ..

	المشاركة الأصلية كتبت بواسطة كنق الفياض

	ولد الشمالي :: الله يرحم خويك ويسكنه جنات النعيم .. : بصراحه ابيات جميله وعجبتني كثيرررر ابيات حساسه ..وسمح لي بكم بيت احتفض فيها :: صح لسانك يمدع .. لاتحرمنا من جديدك العذب ولك اطلق وحلا تقيم يالغلا / لاهنتو ودمت بود

لاهنت يالغالي على مرورك الرائع
وعباراتك تزيد من حماسي للارتقاء بموهبتي لتليق بذائقتكم الشعريه الراقيه
يعطيك الف عافيه وبالنسبه للا بيات الي بتحتفظ فيها تفدك الابيات وراعيها

دمت بود يابعدهم

	المشاركة الأصلية كتبت بواسطة الوليدي

	الله يرحمه ويسكنه فسيح جناته قصيـــــده رائعه وأبيات معبره وما أروع هذا الوفاء منك ولــــد الشمــالي دمت مبدعاً ومميـــــــــزا ً تقبل مروري ..

مرورك يزيد من روعه موضووعي

لاهنت يابعدهم ويعطيك الف عافيه

الوليدي دمت بوود