| |
| |
10-04-2007, 10:16 PM
| |||||||||
| |||||||||
رحلة في ربوع السحاميات سأسرد عليكم قصة الأخوان لؤي وسامي مع رحلة البر ومقناص الضبان وتحديدا رحلة الى السحميات فيها من المتعه والمرح الشي الكثير .. خلوكم معي بدرت في ذهن لؤي الفتى المتولع في البر والمقناص بعد ان شاهد احد حلقات طاش ما طاش ؛ فكرت الذهاب الي البر برفقة أخيه الأصغر سامي الولد الذي يكره البر ويعشق المغامرات البحريه .. ففي ذات يوم طلب لؤي من أخيه مرافقته للبر وقال له : ــ سامي .... سامي ... والله يا عندي لك فكرة اكيد بتوافق !!!! رد سامي قائلا َ .... ماهي ؟؟؟؟ يا ابو الأفكار !!!! فكر لؤي قليلا َ وكان محرج كونه تقريبا ً عارف رد سامي عليه ؛ واصبح يتمحص وينظر لوجه سامي .... الذي ادهشه تغير ملامح لؤي .. ورد سامي ... قائلا َ ... ما بك يا لؤي ؟؟؟ تكلم ماهي الفكرة ؟؟ وبتردد قال لؤي : ـــ سامي انا مشتاق اشوف البر .... واقنص الضبان .... وفجأه !!!! أدار سامي بظهره للجهة الثانيه وقال : ــ أنت وجهك وجه ضبان يا شيخ ... قم بس .... قم ... وبدون مقدمات رد ثأراً لؤي : نعم انا سوف أذهب ان كنت تريد ان تستمتع ما عليك الا ان توافقني الرأي ، فكل مافي الأمر بندقيه وعجرى وداتسون غمارتين وسكين الذبح وعشرة ريال للمصلخ وخمسين بنزين وغضاره للدهن وكاتم للضب ......ز وما ان سمع سامي سواليف اخيه الا 0000 وطاح منسدح من الضحك .. أكيد خلوه (( طاح منسدح )) . عموما ً وافق سامي ؛ ذهب الأخوة للسحاميات معهم ماجلان والبوصلة والخريطه والداتسون الغمارتين ... وعند أول وادي .. غرس الداتسون ، غضب سامي الذي القى اللوم على أخيه لؤي قائلا ً ؛ ــ (( ألم أقل لك وجهك مهوب وجه ضبان وبر ؟؟ )) رد عليه بسرعه لؤي قائلاً : ــ (( اللي ما يعرف البر يشويه )) هذه حلاوة البر يا سامي تغريس وتطعيس ومصفق من بدوي ... وكأنه يلمح لشئ قادم .. عموما انقذهم رجل يسكن الباديه وقال لهم انتبهوا من ما هو امامكم !!!! فما أمامكم اصعب بكثير من هنا !!! فأنتم هنا (( وكان يعني مكان تغريسهم )) على حافة الخط السريع .. توهم نازلين من الخط (( هذا المقصود )) .... المهم شكر الأخوين ذلك الإعرابي على الخدمه وذهبا وأكملا المشوار الذي قال عنه لؤي انه ممتع ... ورد سامي ممتع في خشمك .... وعند اول ضب ... ضرب لؤي الفرامل بقوه لدرجة ان رأس سامي قد شج من قزاز الداتسون الأمامي ... وأصبح يصرخ وينزف .. ولؤي مازال يحاول ان يخرج البندقيه لكي يقضي على الضب ... ( أه اه يا مجنون رأسي يمشي دمه )) ويرد لؤي قائلا ً : ــ (( والله لو انه دم مكون ... أخس مكون مره وحده يا لؤي )) عموما .... سأكمل لكم القصه في المرات القادمه ... لإن وقت القصه انتهى .... لكم تحياتي .......  |
|
12-04-2007, 09:29 PM
| |||||||||
| |||||||||
رد: رحلة في ربوع السحاميات وين المداخلات ؟؟ وين تمليح القصة ؟؟ وين إضافاتكم اللي بتساعدني ان أكمل القصة ؟؟ لإنها من رأسي وتحتاج مساعدات . تدرون ودي تكملون القصه ونخلي للعضو ان يضيف مقطع واضافة للقصه علشان نجمع قصه بأكثر من فكر ونطلع بعمل قصصي رائع !!!! يالله ياشباب بلاشي نوووووووووووووو ووووووووووووم |
|
13-04-2007, 02:39 PM
| |||||||||
| |||||||||
|
رد: رحلة في ربوع السحاميات لؤي ما اهتم في اخوه كثر ماهو مهتم بالضب ويطلع البندقية ويوجهها باتجاه الضب لكن حركه سامي منعته من اطلاق النار عى الضب لانه مركب منظار على البندقيه حتى يسهل عليه رؤيه الضب بشكل افضل فأخد يطلب من سامي انه يتوقف عن الحركة حتى يتمن من اطلاق النار وبعدها قام باطلاق النار وكانت الطلقه بجانبه ومره اخرى فوق رأسه >ماهو بواردي والمرة الثالثه اصاب الضب في رأسه فأرداة قتيلا ,, وذهب بسرعة الى الضب واخذ السكين ليذبحه عندها نزل سامي حتى يرى لؤي وهو يذبح الضب ويفتح بطنه ليخرج امعاءه ويرميها بعيدا ويضع الضب في الكرتون في صندوق الداتسون عندها سامي بدت علية علامات استفهام غريبة واخذ يسأل لؤي ليش اطلقت النار في راس الضب وفتحت بطنة ورميت الامعاء وتركت حاجه صفراء كانها بلونه لاصقه في بطنه فقال له لؤي اطلقت النار على راسه حتى يموت ولايدخل داخل الجحر والامعاء رميتها لانه لايستفاد منها واللي تقول انها بلونه هذي اسمها( شحم او سلايق ) اذا صدنا كم ضب جمعناها وحطيناها في قدر صغير ووخليناها تميع ونضعها مع الرز حتى يكون اصفر ومليان دهن يالله واحد يكمل |
|
13-04-2007, 04:36 PM
| |||||||||
| |||||||||
|
رد: رحلة في ربوع السحاميات جايينك الشامخ عودة للوطن وعودة لمواضيعك قريبا ان شاء الله
|
|
14-04-2007, 09:35 PM
| |||||||||
| |||||||||
|
رد: رحلة في ربوع السحاميات حلو يانبض الحياة خطوه لقدام .. اشكرك بصراحة على تدفق الكلمات ... طبت وطاب سعيك.. محمد السهلي .. الله يجيبك على خير .. نبييك ... نباك .. نبغيك ... لؤي لــــ سامي : ــ (( ياخساره سلايق وعلوم رجال بس نسيت أجيب التمر )) سامي : ــ ليه بتسوي قهوة بسلايق والا وش الطبخه !!! لؤي : ـ ههههههههههههههه ههههههههههههههه ههههههههههههههه ه سامي : ــ خير يالؤي وش جاك .. لؤي : ــ قهوه بسلايق !! والله صدة المثل (( باب النجار مخلوع )) الكاتب (( والله مدري وش يبي هالمثل ÷).. سامي : ـ طيب وش بتسوي بالتمر يا الفاهم .. لؤي : ــ ياخوي يقلون مع السلايق شي ثاني ... حتى اسئل صديقي ابو ( هبد ) تراه فاهم في الضبان مررررررررررررره .. سامي : ــ ياليت معي كاميرا علشان اوريك خرابيطك واضحك عليك العيال .. لؤي : ـ يا رجال كل ما في الموضوع (( ودي احس اني رجال )) وأعرف العلوم ، كل من رز خشمه ،، قال تراني راعي بر وراعي ضبان .. سامي : ــ وظنك درو عنك !! لؤي : ـــ بغوا يدرون .. يدرون .. وذا ما دروا ... لا يدرون .. سامي : ــ لازم يدرون .. علشان ترز خشتك قدامهم .. لؤي : ــ راز خشتي رازها .. بدرس يوم السبت بثياب البر والدم عليها وصندوقي مليان دمان لنا تكمله وتابعوا ابو هبد وابو رواف في الحلقة القادمه ..... لكم تحياتي |
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلة صيد | خالد00 | احتواء ما لا يحتوى | 8 | 13-07-2008 09:04 PM |
| من ربوع بلادي وصلت ..! | محمد | مرفأ البداية وروح التواصل | 26 | 28-12-2007 04:12 PM |
| راشد الودعاني .. عذوبة الشعر في ربوع الرويضة | محمد | مرفأ البداية وروح التواصل | 7 | 10-09-2007 11:13 PM |
| عزت الطيري .. الشاعر المصري القدير بين ربوع الرويضة | محمد | مرفأ البداية وروح التواصل | 13 | 19-06-2007 11:06 PM |
| اليوم وقفت مطايانا في ربوع الرويضة | عاشق الريم | مرفأ البداية وروح التواصل | 15 | 29-11-2006 10:24 PM |
 |  |
العرض المتطور
