بعد خمس سنين مرت آه أنا بالسوق شفته.. ,,,,

#1 (**permalink**) 24-03-2011, 09:56 AM

بعد خمس سنين مرت آه أنا بالسوق شفته..
صدفه جابتني لدربه من بعد خمسة سنين..

والله إني من سمعته كلم البايع عرفته..
إلتفت بلهفة اللي حيل مضنيها الحنين..

لكن الصدمه عظيمه شايلن بيديه بنته..
ومعه أم البنت تمشي شابكه فيه اليدين..

وقتها دارت بي الدنيا وحزني ما احتملته..
حارت دموعي وأواسي نفسي: يا ريم ; اليقين..

وصرت أفكر يعني يعرفني مثل ما أنــا عرفته..
وإلا ناسي قلبي اللي مارضى بغيره ضنين ..

دق جواله ونزل من على الاحضان بنته ..
وخثعت بنته ونادى: ريم لا لا توقعين..

قمت أناظرها ودمع احتار بعيوني ذرفته ..
استوت هالدنيا عندي عادي لو موتي يحين..

انحنيت أبوس ريم وخدها الايمن لمسته..
التفت لي وقال لي: ياهيه فيها وش تبين..

قمت أتجاهل واسوي نفسي كني ماسمعته..
قال: يااختي ابعدي عنها ولاتستهبلين..

ويوم قرب لي, بعيني من ورا البرقع خزرته..
وإنكسر صمتي وقلت: الله على الدنيا يعين..

طاح جواله, تلعثم قال: أنا بحلمن حلمته..
وإلا واقع فهميني ليه عني تبعدين..

ليه عني ماسألتي وأنا هذا الكون بعته..
لجل عينك ياعيوني وما أظنك تجهلين..

أنا من بعدك يا ريمي حتى طاري العرس عفته..
ناظري فيني وشوفي كيف من بعدك حزين..

والله إني ما أنام إلا وماضينا ذكرته..
أنتي وحدك من جعلتي قلبي القاسي يلين..

أقسم بربي غلاك بيوم ماعمري جحدته..
ماإلتفت لبنت غيرك ما سمعت العاذلين..

ماسهجت دروب غيرك دربك اللي بس سهجته..
وش أسوي لجل ياروحي كلامي تصدقين..

حتى شوفي هذي أختي تشهد بصدق اللي قلته..

وهذي طفلتها على اسمك اسمها وتستاهلين..

صدقيني مانسيتك حبك الصادق حشمته..
حتى حرف الراء منك باقي له بإذني رنين ..

قلت: عامر, قال: سمي قلت: أنا والله صنته..
حبك اللي كان أصفى من ورود الياسمين..

كم طلبني واحد.ن غيرك وأنا لجلك رفضته..
وكم تحملت الغثاء واسمع شماتة شامتين..

وكم لجل عينك بكيت وحتى ليلي لك سهرته..
حيل ذابحني غيابك وفرحوا بي الحاسدين..

وأنت تدري بأن حبي ماأبالغ لو وصفته..
بأنه أصدق حب يحصل في حياة الصادقين..

قال لي: يا ريم ربي يشهد بدمع.ن نثرته..
ويشهد إني وافي لحبك ولاسرارك أمين..

إرجعي لأبوك قولي: نصفي الثاني وجدته..
واحتريني جايب.ن مهرك ودبله باليمين..

إبتسمت وقلت في نفسي حرام إني ظلمته..
ثم طلعت من المحل والفرحه بعيوني تبين..

وقمت أتمتم في طريقي: هذي أخته,هذي أخته..
وَ آآه يازين الوفاء لاصار بين العاشقين ~

مما راااق لإحسآآآس <<>> اسايرها تعاندني

#2 (**permalink**) 24-03-2011, 10:14 AM

‘’
قصيدة تعانق سماء الروع‘ــــــه

,,اسايرها تعاندني,,
بنتظار جديدك بكل شششوق
{ تقييم + اسجل اعجابي بهذه الابيات }
شكراً لكّّ

[ ]

#3 (**permalink**) 24-03-2011, 11:19 AM

اسايرها

رووعة هالاختيار

لاهنت

#4 (**permalink**) 25-03-2011, 06:06 PM

أحلى قصيدة قرأتها
مو عارفه شو أكتب من كثر ماعجبتني
أروع من الروعه
قصيدة فيها حكاية والحكاية تجنن وطريقة القصيدة روووعه وكل شي فيها متكامل
وااااو

كثييييييييييير عجبتني

حتى شوفي هذي أختي تشهد بصدق اللي قلته..

وهذي طفلتها على اسمك اسمها وتستاهلين..
هههههههههه عجبني هالمقطع صدمه هههههههههههههه

ناااااااااااااا ااااااااااااااا يس
تحيــــــــــــ ـــــــــاتي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
الانتقال إلى العرض العادي العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عششششق تنامى من سنين الطفوله	محمد	الرياضة والشباب	5	05-02-2011 08:15 PM
دمى حيه للبيع اغرب شئ شفته بحياتي !!!!	.. جآر آلقمر .,’	لُغَة الصور .. والكاريكاتير الساخِر	12	15-12-2010 01:40 PM
معرفة يوم . . وكأني أعرفه من سنين !	خالد00	حوار ومنطق	4	06-09-2010 05:48 AM
انذل دكتور شفته في حياتي	محمد	مساحة للضحك والفرفشة	16	31-05-2009 04:20 PM
اي عضو تستانس لا شفته متواجد	سمو الخواطر	مساحة للضحك والفرفشة	511	20-03-2008 04:18 AM

بعد خمس سنين مرت آه أنا بالسوق شفته.. ,,,,

صهيل القصيد