من قصص الاولين

#1 (**permalink**) 06-03-2011, 01:57 PM

كان في بنت تحب ولد عمها وامها واخواتها يدرون وفي يوم جا ولد العم يخطب منهم
ومعاه ابوه اللي هو عمها طارت البنيه من الفرحه وما صدقت الا جت امها وقالت انه يـــــبي

اختها اللي اكبر منها وحزنت حزن وطبعا اختها رفضت وماوافقت لكن البنت قالت وهي
زعلانه ( الي يبيه سووه ) واختها اصرت ورفضت لكن بعد خناق ومهاوش وافقت انها
تتزوجه لانها خايفه على اختها لا تسوي بنفسها شي المهم تزوجت الاخت من ولد عمها ( حبيب البنت)

وبعدين ومرت سنين جابو عيال لكن مره كانو اهل البنت مسويين عزيمه وهذي البنت عندها اخو متزوج وعنده ولد اسمه نفس اسم ولد عمها اللي
تحبه وهي قاعده بالعزيمه نادو ولد اخوها وفزت عبالها ولد عمها وبعدها قالت هذي
القصيده :-

نادو سميه وفز قلبي لطاريه
ويوم نظرته قلت ليته بداله
قالوا علامك قلت يا ناس مافيه
قالوا يعجبك قلت طاغي بجماله
هم يحسبوني مادح له واطريه
ما دروا عن قلبي واللي جراله
تذكرت الحبيب اللي فؤادي هاويه
اللي سحرني في حلاه ودلاه
كنه ملاك سبحان ربي مسويه
مسكنه عيني وبوسط قلبي لحاله
هو الوحيد اللي من الناس اغليه
وهو اللي تمنيته ولا فكرت بداله
خنقتني العبره وما قدرت ابكيه
وبعدت عن ناسي بشوفت خياله
جلست بوحدتي ابكي الحظ وابغيه
وابكي حبيب شح الزمن بوصاله
ليه يا زمن تبعده عن عيون مغليه
وتتركه بحيرته من يعرف وش جراله
رغم الفراق للحين ماني بناسيه
وشلون انسى من حياتي فداله
ليتكم يا ناس ما حييتو طاريه
ولا شفت سميه ولا تذكرت خلي وجماله

#2 (**permalink**) 06-03-2011, 08:45 PM

قصة وقصيدة مؤثرة والله

شكراً لجميل أختيارك

أعذب التحايا

#3 (**permalink**) 06-03-2011, 11:15 PM

ابو هيثم

لاهنت

قصة وقصيدة جميله

ربي يعطيك العافية

#4 (**permalink**) 06-03-2011, 11:22 PM

مشكورين على المرور الاكثر من الرائع

#5 (**permalink**) 07-03-2011, 05:09 PM

ابو هيثم يعطيك العافية

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

من قصص الاولين

حكايات من الوجد