مجالس الرويضة لكل العرب - شاهد عيان يحكي موقف ويقول لن انساه

يقول الشاب (( فلاح العتيبي ))

صار لي موقف امس الاحد الموافق 17/3/1432هـ لن انساه راح اذكره طول عمري موقف يوقف القلب

اليوم كان عندي موعد بمجمع الملك سعود بالشميسي في الطواري اخذ بخار وانا طالع شفت سيارة اسعاف وزحمه وبعدها نزلو شاب يمكن عمره 26 سنه ودخلوه الطواري وشفته غرقان دم وجسمه مقطع حتى رجله مقطوعه ويصارخ ويرتجف بقوه ويطالع في اخوه او شخص يقربله ويقول ما ابي اموت خايف ادخل النار ويقول انا ما أصلي وخايف

ويقول ان شاء الله انشل واصير معوق بس ما اموت وانا ما اصلي وتجمعت الناس وبعدها نزف الشاب لين وقف دمه ويصارخ وجسمه قلب ازرق ونشف دمه

ما لحقو عليه واللي معه يبكي ويقوله تشهد وهو يصارخ ولسانه ثقل وقام يرفس برجوله ويشهق لين طلعت روحه وبعدها بداء صوته يختفي

وقامو الاطباء بأخراج اللي معه وغطو وجهه وقال الدكتور لشقيقه اخوك توفى ادعو له

كسر في الحوض رجله مقطوعه ونزيف في الرأس

لاحول ولاقوة الا با الله

ويقول شاهد العيان - اول مره بحياتي اشوف انسان يموت قدام عيني ولم ينطق الشهاده وهم يلقنوها له

الموت يأتي فجأه حافظو على صلاتكم لاتقلون بكره ماحد يدري عن يومه

اللهم احسن خاتمتنا .

(( منقول عن الاخ - فلاح العتيبي - الرياض ))