دليل المحبه شوف عيني عليك تغار=ولاودي الحاسد عيونك يطالعها
مع إنك رحلت بعيد لكن بقى التذكار=لياشافته عيني تسابق مدامعها
دفنت الغرام بخافقي والقلوب أسرار=مشاعرهقيت إن الليالي تضيعها
فرحت برجوعك ماطلبت لخطاك اعذار=ونفسي تناست ماجرى من تواضعها
تهادت مشاعرخاطري لك بلا معيار=تجاهلتها لوكنت خابر دوافعها
يقولون : جنّب درب مالك معه معبار=يلومون نفسٍ بعدالاحباب موجعها
يقولونها قبلي يخون البحربحّار=والآمواج لاهاجت خذت ماتبي معها
تكاثرت منك الصد .. وأثرالعلوم كبار=لقيتك على نفسي تقلّب مواجعها
اقوله وأنا اللي شفت ذاك الغلا ينهار=يشوف الندم رجّال نفسه يطاوعها
مثل من ضرب جّوٍ خلا غادي محتار=يدّوج ورجله مادرى وين موقعها
تعرض سموم القيض والدار مامن دار=هليك وشعربالموت روحه ينازعها
جحدت الغلا لين امتلا بالخفوق وثار=قصايد عساها اليوم تطرق مسامعها
غرامك مثل نارٍ حطبها الغلا للنار=تموت وغلاك اللي بقلبي يولعها
غلاك بضميري واضحٍ ماعليه غبار=تشيل الغلا نفسي وأنا عاجز امنعها
يقولون ماودعّك : قلت الفراق وصار=والإنسان روحه تنسلب مايودعها !!!
هذيك الليالي وين ؟ أثرالزمن دوار=خذاها ولا ظني زماني يرجّعها
طوتها السنين ولابقالي سوى التذكار=لياشافته عيني تسابق مدامعها

كــل الشكــر لـ سموك الكريم .. عــلى روعــة ..

وجميل .. تواجدك العــذب ..

لا عدمنـاك ابدا


دمــت بسعــادهـ .. و .. خــــــــــيـر ..

تقديـري .. و .. احترامـــــــي لـ ذاتــك الطيبه

شاكر لك مرورك ــالعطر

وممتن لحضورك وردك

دمت بود

ما أروع حضوركِ الذي ينثر النور في الهمس
وما أعذب كلماتكِ الرقيقه
أشكركِ على روعة هذا الحضور
لا حرمني الله حضوركِ

الرائع هو تواجدك عبر ثنايا ــالمتصفح
وأنا ممتن لتواجدكِ هنا
فقد عطر مروركِ صفحاتي
وأنتشت بعبق عبيركِ
فكوني دوما قريبهـ

دمتي بخير

ــإطلالتك ــالعذبة لهي محل فخر وــإعتزاز
سُررت بمرورك وردك

يقولون ماودعّك : قلت الفراق وصار**والإنسان روحه تنسلب مايودعها !!!
هذيك الليالي وين ؟ أثرالزمـن دوار**خذاهـا ولا ظنـي زمانـي يرجّعهـا
طوتها السنين ولابقالي سوى التذكار**لياشافتـه عينـي تسابـق مدامعهـا

ذائقه رائعه سلمت يمينك ع الطرح

المشاركة الأصلية كتبت بواسطة بوح المعاني (المشاركة 749617) يقولون ماودعّك : قلت الفراق وصار**والإنسان روحه تنسلب مايودعها !!! هذيك الليالي وين ؟ أثرالزمـن دوار**خذاهـا ولا ظنـي زمانـي يرجّعهـا طوتها السنين ولابقالي سوى التذكار**لياشافتـه عينـي تسابـق مدامعهـا ذائقه رائعه سلمت يمينك ع الطرح

حضور معطر بعبير ــالورد
شاكر لكِ مروركِ وردك