๑۞๑ الاميــــــــــ ـــــره ๑۞๑

مدخـــل ..
اصدق انــواع المحبَّه تعـــــابير
.....حبْ افتقد للوصل ( وازداد قوَّه)
لا ماوقف به ريح بُعد وأعاصير
....بيضلّ عالي لو ملا الغيم جـوَّه ..!

الامــــــــيره

الحب فيض صدور والشوق ديره
............... ............... ........ والقلب من جور المقادير محروق
كثر الأماني والليال القصيره
............... ............... ........ تعيشك في ضنك وتموت مخنوق
قالوا تحب وقلت للحب سيره
............... ............... ........ قالوا تعب ما بين عاشق ومعشوق
قلت التعب يحتاج صبر وبصيره
............... ............... ........ ولولا التعب ما حصلوا للهنا ذوق
وأنا هويت اللي بحبي جديره
............... ............... ........ ماهي على ما قيل من طارف السوق
في عينها سر البحور الغزيره
............... ............... ........ وفي خدها وهاج رعاد وبروق
ماهي صغيره بس ماهي كبيره
............... ............... ........ أصغر من التعظيم وأكبر من الذوق
وماهي طويله بس ماهي قصيره
............... ............... ........ مقعادها وقفة صغيره وغرنوق
وماهي بأميره الا ويش الأميره
............... ............... ........ تعيش بين الناس لكنها فوق
صحيح مطنوخه ومليارديره
............... ............... ........ وتسكن في أرقى حي واملاكها طوق
لكن تواضعها تواضع فقيره
............... ............... ........ على الأقل تقدر الحب والشوق
لو خيروني في بنات الجزيره
............... ............... ........ ما أخترت غير اللي كوتني على العوق
زينه وبنت شيوخ قوم ستيره
............... ............... ........ ياما اتلفت من زينها كل معلوق
وجدي عليها وجد من ضاع طيره
............... ............... ........ لا رده (المربا) ولا رده سبوق
صدقت قولت ما ورا الحب خيره
............... ............... ........ وكذبت قولت كل مطرود ملحوق
غيري عشق مخلوق من شان ديره
............... ............... ........ وأنا أعشق ديره علشان مخلوق

:

مخــــــرج :
اللي ابيه الحين ( اتكون في خير )
ومن بعدها وش ماتبي
"روح سوَّه "

مما رااق لي من قصائد المبدع الشاعر / حمـــــدان المـــــري
صاحب القلم المميز والكلمه الجزله..
اتمنى أن ترتقـــي لذائقتــــــــك م ..
الولــيــــــــ ـــــــــــــــ ــــدي

السلام عليكم ورحمة الله وبركاته

صح لسان قايلها ولا هنت الوليدي والله ابدعت وكفييت ووفيت

الف شكر اخوووي وجاااري النسخ مع التقييم

	المشاركة الأصلية كتبت بواسطة تربوي فعال

	السلام عليكم ورحمة الله وبركاته صح لسان قايلها ولا هنت الوليدي والله ابدعت وكفييت ووفيت الف شكر اخوووي وجاااري النسخ مع التقييم

اسعــــدني مرورك الرائع ..وشرفني ردك المميــــــز ..دمت في حفظ الرحمن .

غيري عشق مخلوق من شان ديره
............... ............... ........ وأنا أعشق ديره علشان مخلوق


الله الله
..
والله انها حلوه بصراحه واعجبتني
وتستاهل التقييم ^_^
يعطيك العافيه ي الوليدي ~

	المشاركة الأصلية كتبت بواسطة صديقة القلم

	غيري عشق مخلوق من شان ديره ............... ............... ........ وأنا أعشق ديره علشان مخلوق الله الله .. والله انها حلوه بصراحه واعجبتني وتستاهل التقييم ^_^ يعطيك العافيه ي الوليدي ~

اسعــــدني مرورك الرائع ..وشرفني ردك المميــــــز ..والف شكر من الاعماق على التقييم ..دمتي في حفظ الرحمن .