مجالس الرويضة لكل العرب - معلومه أفـكــار غـريـبـه تـفـيـدك فـي حـيـاتـك الـيـومـيــة..! !!

ساطرح عليكم حلول قد تكون غريبة لبعض المشاكل التي قد يواجهها اي شخص في حياته اليومية وبالاخص في منزلة .. متمنياً من الله ان تحوز على اعجابكم وان تستفيدوا منها انشاء الله وإليكم هذه الافكــــار :-ــ

# مافيه بيت مايدخله النمل اما تجده في غرفه او مستودع او في الحوش وللتخلص منه ... !!!
وللتخلص منه ضع قشر الخيار في المكان الي يخرج منه النمل.

# اذا حبيت انك تحصل على مكعبات من الثلج الصافي والنقي ... !!!
إغلي الماء قبل ماتثلجه.

# مافيه بيت مافيه مرايات اذا حبيت انك تنضفها وتخليها تلمع ... !!!
إمسحها بالسبيرتو. (يستخدم في طلاء الخشب)

# اذا عندكم وراعين اكيد انكم تشتكون من العلوك اذا انشبت في ملابسكم او على الكنب فكيف تشيلونها ... !!!
ضع الثياب في الفريزر لمدة ساعة او ساعة ونصف وبعدها شيل العلكه.

# عشان تخلي ملابسك البيضاء ناصعة البياض ... !!!
ضعها في ماء مغلي ومعاها شريحه من اليمون لمدة عشر دقايق وبعدها طلعها واغسلها عادي.

# ولاصحاب الشعور والقذل ... لإعطاء الشعر لمعاناً ... !!!
حط ملعقة صغيرة من الخل على شعرك لمدة خمس دقايق ثم اغسله جيداً.

# واذا انت من محبي شرب العصائر الطازجه وتبي اكبر كميه من العصير ... !!!
ضع الفاكهه الي تبي تعصرها في ماء حار لمدة ساعة قبل عصرها.

# ولإزالة رائحة السمك من اليدين ... !!!
اغسل يدينك بقليل من خل التفاح.

# عشان ماتدمع عويناتك وانت تقطع البصل ... !!!
أكــــل علـــك.

# اذا انت عزوبي او انتي مدرسة ومتاخرين في الرجوع للبيت وتبون تذوبون الدجاجة من الثلج بسرعة ... !!!
حط الدجاجة في ماء بارد وضف عليها ملعقتين كبيرتين من الملح.

# اذا انت من محبي اكل السمك وعشان تعرف هل هو طازج او مثلج ... !!!
حط السمك في ماء بارد ، اذا طفا السمك تراه طازج واذا العكس تره ملعوب عليك.

# عشان تزيل الحبر عن الملابس ... !!!
ضع كمية من معجون الاسنان على مكان الحبر وخله حتى يجف تماماً ، ثم اغسله عادي.

# اذا عند باب فلتكم بعض من الزرع او طلع في قرنه في حوشكم من تحت البلاط زرع وتبي تشيله بدون ماتصب عليه ديزل وهو ماهو متعارف عليه الان ... !!!
رش عليه ملح.

# اذا عندكم فيران ومزعجتكم وتبي تفتك منها بدون ماتحط سم او صمغ وتلقى واحد من الوراعين ناشبه رجله فيه ... !!!
رش فلفل اسود في المحلات الي تشك ان الفيران تطلع منها.

# اذا النامس مزعجك في البيت وشاخلك انت وبزارينك وتبي تريح راسك منه ... !!!
وزع في الغرفة الي انت جالس فيها ورق نعناع طااازج او حطه قريب من وسادتك وانت نايم ، وشوف مفعوووله رهيب مررره.