°•.♥.•°بنُشَيًب َ وآحَنِا وَاقفيَنٌ تَحٌتِ المُظًلَه..!! °•.♥.•°

مطر.. معلق .. بنصف السماء .. لا ينهمر.. ولا يرتفع ..
وكل ما بغينا نجتمع.. تحت المصابيح الزرقاء.. يطيح منه رذاذ ..
اما انهمر فرقى .. و الا تقطع وصل .. يا ماطر الليل ..
لا تاقف بوسط السماء .. لك هالشوارع .. انما تكفيك.. ساعه .. ساعتين .. !
بنشيب وحنّا واقفين.. تحت المظله ..
ماهو خوف من البلل .. لكن حنين .. للمصابيح الزرقاء.. ولليلةٍ سمراء..
سماها صافية.. وموعد لعيونها..

والله غرفنا دافية.. ولها شبابيك وستاير..على البروق .. لكن .. زهقنا بيوتنا ..
واللي يخليك .. اما انهمر.. والا ارتفع ..

تمرّ.. ساعه الا ربع .. وتو السحاب.. ما يدري وش يبي ..
أخاف أسأل صاحبي .. ويقول .. خلّنا نسري..
وين نسري ؟.. بدري.. بدري على المسرى ورا السحاب قمرا ..
وقمرا ورا الأبواب.. تبي المطر يرقى ..
وتهطل نجوم .. وتظهر علي ..أنا لو علي..
تحت المصابيح الزرقاء .. قلبي بيحوم .. مثل الفراش ..
تحت الرشاش .. والا الصحو ..لين أشوفك .. مقبلة..
والله .. ضلوعي مبللة.. بالشوق ..
وما ودي احاكي صاحبي .. ولا أساله .. بيقول .. خلنا نسري..
وين نسري بدري .. ساعه وربع.. وحنا واقفين تحت المظلة..
اما أنهمر فرقى .. والا تقطع وصل ..
يا ماطر الليل .. لا تاقف .. بوسط السماء..



بدر بن عبدالمحسن..



/