|
مصرف فاشل مع احترامي للشيخ سليمان الراجحي السلام عليكم ورحمه الله وبركاته الموضوع مو غريب عليكم الا وهو مصرف الراجحي بالرويضه بكل اسف بنك لا يهتم بعملائه ولا يراعي ضروف الناس تصدقون صرفاتهم كلها ماتشتغل وعددها (3) لو واحده ماتشتغل ماهي مشكله ثنتين نصبر ماعندنا مشكله اما كلهن عطلانات وين نروح ما في مصرف اخر نروح له اناشد من له سلطه واداره يشوف لنا حل والمشكله الاكبر انها ما خربت الا في حزه رواتب الناس تدعي على المصرف شيبان وشباب وش ذنب /سليمان الراجحي من دعائهم المشكله في الايدي العامله في المصرف تقبلوووووو تحياتي والظاهر بروح للقويعيه اصرف |
رد: مصرف فاشل مع احترامي للشيخ سليمان الراجحي راضي بحبك هذا حالنا من زمان وللاسف ان الصرافات 2 المسؤول عنها مو بنك الرويضة صرافات السيارات يتم تغذيتها من الرياض وصرافة البنك دايم عطلانه اقول اعطيك بطاقتي تصرف لي معك من القويعية |
رد: مصرف فاشل مع احترامي للشيخ سليمان الراجحي هلابك سمـــــــــو الاحساس وشكرا على تعليقك على موضوعي ((الى متى وهذه الظاهره تتكرر )) |
رد: مصرف فاشل مع احترامي للشيخ سليمان الراجحي الله يعينكم .. شكلي بصرف من المجمعه قبل ما اجي الرويضه خخخخخخخخخخخ |
رد: مصرف فاشل مع احترامي للشيخ سليمان الراجحي هلا اميــــــــــــ ـــــــــــــــ ـــــر هذا حاااااااال الصرافات عندنااااااااااا ااااااااااااا وشكراااااا على تعليقك |
رد: مصرف فاشل مع احترامي للشيخ سليمان الراجحي مالكم الا توسعون الصدر على الراجحي و على ما قالوا : ان طاعك السوق والا ...(رح دور بنك غيره ) |
رد: مصرف فاشل مع احترامي للشيخ سليمان الراجحي الله يكون بعونكم ثلاث صرافات وفيهن مشكلة |
رد: مصرف فاشل مع احترامي للشيخ سليمان الراجحي معليش أخوي أنت جالس تتظلم وتعاني وباقي الأهالي يدعون على المصرف وراعيه طيب وبعدين .... أنحل الوضع ؟!! أكيد ماراح ينحل الأ أذا تحركتوا ليه ماتشتكي على الفرع الرئيسي في الرياض راس مالها فاكس واذا مانفع معهم شكوى على طول لمؤسسة النقد وهي بتشوف شغلها معهم صح بقولك على سر بس لا تعلم أحد أي شخص يملك أرض على شارع تجاري ويستطيع أن يأمن الهاتف جميع البنوك تتسابق على أستئجارها الله يسهل أمركم |
رد: مصرف فاشل مع احترامي للشيخ سليمان الراجحي اخي العزيز راضي بحبك موضوع فعلا لا يسكت عليه،،، وزي ماتفضل اخوي مزيون موزنبيق ماهي منحله هذي المشكله الا اذا تحركوا اهالي الديره ( يد وحده ماتصفق ) ووجهوا شكوى مباشرة للادارة الرئيسة للمصرف او مؤسسة النقد للوقوف على هذي المشاكل ووضع حد لها. |
رد: مصرف فاشل مع احترامي للشيخ سليمان الراجحي اقتباس:
وش دخل مؤسسه النقد في خدمات البنك اذا فيه شكوى على قصور في الخدمه تقدم للفرع الرائيسي واذا فيه ضياع للحقوق ونقص في الحساب تقدم لمؤسسه النقد والشكوى اولا واخيراً تا قدم لله سبحانه وتعالي ، |
رد: مصرف فاشل مع احترامي للشيخ سليمان الراجحي شكرا باخواني اللي علقوووو على الموضوع البنك يوم كان موقعه القديم كان 100% في التعامل وفي كلش حتى الصرافه واحده وشغاله وماعندها اي مشكله والحين في مبناها الجديد كثرت صرافات وكلها زي قلتها اللي تعلق ولي خربانه وحالتهم حاله كما تفضل اخووي مزيون واخوي حكم الزمن باشكوى الى الفرع الرئيسي طيب الحين معقول ان الفرع الرئيسي مايدروون عن القصور الحاصل له كم سنه وهو واضح تقبلو تحياتي |
رد: مصرف فاشل مع احترامي للشيخ سليمان الراجحي اخوي راضي بحبك .... طبيعي اذا ما قدم العميل شكوى كيف الاداره تحاسب الفرع ..!!! انت قدم شكوى عن طريق الهاتف المصرفي وشوف كيف الفرع يخترش من الشكوى ، فيه واحد اعرفه انا شخصياً صارله موقف مع الفرع و قدم شكوى عن طريق الهاتف المصرفي .. يقول ان مدير الفرع كلمه شخصياً واعتذر له عن هذي المشكله وانجز له الي يبيه على طووول. |
رد: مصرف فاشل مع احترامي للشيخ سليمان الراجحي مـآلكم الـآ سـآمبـآآآ .. طـآلبوآ يجي عنــدكم .. |
رد: مصرف فاشل مع احترامي للشيخ سليمان الراجحي اقتباس:
أخوي مؤسسة النقد هي الجهه المخوله لمحاسبة البنوك في أي قصور مادي أو خدماتي وهي المرجع الرئيسي للبنوك ولو أنت قريب من مؤسسة النقد راح تعرف أن جميع البنوك لا يمكن تفتح فرع أو تضع صراف آلي ألا بموافقة مؤسسة النقد . |
رد: مصرف فاشل مع احترامي للشيخ سليمان الراجحي اقتباس:
طيب هل لدى مؤسسه النقد معايير للخدمات المقدمه للعملاء ام هي اجتهاد من ادارات البنوك انتظر جوابك الله يوفقني واياك لكل علم طيب , |
رد: مصرف فاشل مع احترامي للشيخ سليمان الراجحي |
رد: مصرف فاشل مع احترامي للشيخ سليمان الراجحي يا جماعه يا حبيب قلبي يا حلووين بعلق انا تعليقي الخاص :- اول شي بنك فاشل بكل المقايسس ثاني شي الفشل في الكادر مو الجهه الرئيسيه ثالث شي اهل الديره ما يطالبوون رابع شي اذا الناس الي ماهي مطالبه وتتكلم كثير ومادري وشو ياليت يسسكت خامس شي الحمد لله الايام هذي صار تقديم الشكاوي عن طريق الانترنت والايميلات والفاكسات سادس شي يا جماعه تحركوو ورونا قوة عضلاتكم مو تهايطوون في المنتدى وو ووو ووو طيب انتو عارفيين الانظمه والقوانين طالبو فيها سابع شي انا كصاحب بنك ولا اي دائره حكوميه وش لون اجي اقدم لناس خدمه وهذي الناس ماتطلب اصلن ولا تبيها من وجهة نظر صاحب العمل خساره والدنيا اليوم كلها فلوس بكم بيجيني وكم بصرف يعني الزبده ومن الاخير اللي بيطالب يرفع شكوى واللي بيطالب يدل البيبان انا من ناحيتي طز في الراجحي وفرعهم اللي بالروضيه لا بغيت شي القويعيه باقي المناطق الثانيه تلاقي 20 صرافه ويوم الرواتب كلها مشييك عليها ومتأكييدن انها شغاله ومو من الرياض لا من الفرع اما انتي يا الرويضه موتي لين الله يبعثك تقبلي ودي ^_^ |
| الساعة الآن 08:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..