|
قم يانديمي حف لي التبهيرة العصر عيـا ينتقـل لعصيـره=والصدر تقـل مقفـلات انفاقـه والجو حـر وزودتـه الديـره=وانا على المقعاد مابـي طاقـه قم يانديمي حف لـي التبهيـره=في دلة (ن) تطرب لها الذواقـه في راس مرقاب (ن) يفك الحيره=راع الظلوع الظايقـه يشتاقـه وجده على وقت الشتا ماغيـره=ليل (ن) به البدري شلع براقـه سيله تحدر وانجـلا معصيـره=تشوف مجروف الشجر باشناقه في بر قفر(ن) من بدا تخظيـره=راع الظعن يمـه تقفـا نياقـه والجو برد وساحـر بتصويـره=عن ظلها ماتفـرق المشراقـه عند الشقاوي بالقنص له سيره=كم له عيون اهل الولع تواقـه راع الولع يومه يظيـع طيـره=من طيٌب الكلمه عليـه الفاقـه والحـي ادري مانفـع تدويـره=وان صرت ظايق لاتمر اسواقه ان كان مابه شر مابـه خيـره=واخير لي عن جيتـه بافراقـه اخذت من ثقل الهـوا تكسيـره=واخذت من كف الزمان اطراقـه ولقيـت ان البـر لـه تأثيـره=وقت الشتا واصبحت من عشاقه هذاك جوي واصبـر لتأخيـره=حبيس وبطلعة سهيـل اطلاقـه |
رد: قم يانديمي حف لي التبهيرة الله الله الله صح لسـانك ولسان قايلها أبيات قمة بالروعـه مثل ماعودتنـا ع ذائقتك الشعريه الرائعه واختيارك الجميل تسلم يمينك ويعطيك العافيه الله يوفقك |
رد: قم يانديمي حف لي التبهيرة قصيدة ملأتها شاعرية ففرضت علينا التنقل بين معانيها بكل هدوءء اهنيك على شاعريتك تقبل مروري |
رد: قم يانديمي حف لي التبهيرة ابو طارق شدني اختيارك هذا رووعة |
رد: قم يانديمي حف لي التبهيرة اقتباس:
أسعدني مرورك بمتصفحي لاهنت |
| الساعة الآن 10:34 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..