مجالس الرويضة لكل العرب - قصيده كتبها شاب بعد وفاة والدته

السلام عليكم ورحمه الله وبركاته
أولا هذه الكلمات كتبها شاب بعد وفاة والدته في حادث سياره وهو كان معها
ولكن الله كتب للام بالوفاه وللابن بالنجات من الحادث وكان من أبشع الحوادث التي هزت المجتمع ولفترة طويله الله يرحمها والله يحمي الجميع ويصبر هذا الشاب
*************** *****
أتركم مع القصيده
*************** *

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني
*************** *************** *************** ***** *************** *********
الله يرحم أمه وأمهات المسلمين وموتى المسلمين أجمعين
واتمنى ان هذه الكلمات تكون رساله واضحه وليست فقط كلمات تقال
عندما تفقد أعز الناس عليك وفي حياتهم نتجاهل كلامهم وبعد فقدانهم يصيبنا الندم ونتمى عودتهم ولكن لا حياة لمن تنادي .
*************** *****
ودي واحترامي
*************** *****