|
قصيده من والد إلى ابنته قصيده من والد إلى ابنته يا ريوف ياعلّك بحالـي تروفيـن لاقلّ شوفي وانحنت بـي عصايـه يمين من نـزّل تبـارك وياسيـن انك قمر عمري وكوكب فضايـه أدراك بالخاطر واعاملـك بالليـن وارجي عسى الله مايخيّب رجايـه احب من حبك واعادي المعاديـن وادعي لك الله بالستـر والهدايـه فقدتك البارح وجريت صوتيـن هذي وهي ليله وعنـد انسبايـه كله غلا ياويلي اثر الغـلا شيـن الله واسالـه لايبـيّـن غـلايـه من حبها حبيت كـل الصغيريـن صارت محبتهـم بقلبـي هوايـه عودتك الممشى على شان تمشيـن اشد بالثنتيـن واقصـر خطايـه وليا بكيتي قمت اهلل وتصغيـن واحيان اغني لـك واردد غنايـه يضيق صدري لاسمعتـك تونيـن واجر صوتي من خـلاي بخلايـه وان جيت ابقفي عنك لدّيت بالعين الدرب قدامـي واطالـع ورايـه رد الوفا ياريوف ماابيـه ذالحيـن ابيـه لـي دارت عليـه رحايـه ابيه لا منه غـدا الليـل ليليـن لا اشتدّت الايام واظلـم سمايـه وابيه لامن صارت العشـر ثنتيـن اليا اتركونـي عزوتـي واقربايـه وابيـه لا عـزّوك فـيّ المعزيـن تدعين رب البيت يغفـر خطايـه اليا كتب ربـي افـراق المحبيـن ثم ادفنونـي لابتـي واصدقايـه توك صغيرة سنّ مانتيب تدريـن والعالـم الله وش تكـون النهايـه اما التفتي لي وزيـن علـى زيـن والا رميتينـي بـدار الرعـايـه منقوول (اتمنا ما يكون مكرر) |
رد: قصيده من والد إلى ابنته عمر رووعة يالغالي انا سمعتها شيله رووعة سلمت يداك |
رد: قصيده من والد إلى ابنته الله يسلمك طيب دامك سمعتها شيله اطرح الرابط لنا خلنا نسمعها راح تكون أضافه رائعه شاكر مرورك اخوي سمو الاحساس |
رد: قصيده من والد إلى ابنته شاكر مرورك الرائع اختي فراشه + التقييم |
| الساعة الآن 09:50 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..