|
كاتب عدل الرويضه (غير موجود بالخدمه مؤقتا) بسم الله الرحمن الرحيم السلام عليكم ورحمة الله وبركاته نعم والله انه الصحيح ولا شي غير الصحيح كاتب عدل الرويضة غير موجود بالخدمة مؤقتا كل الناس عندها ظروف واعمال ... لو المشكله يوم يومين قلنا ما عليش بس الدعوا طارت وشمرت طيب حتى لو الرجال عندة ظروف ((((أو)))) شغل بالرياض يكلف واحد او الشيخ الي تحت او يقدم اجاااازه رسميه ويكلف واحد من القويعيه او من الرياض ... او يقدم استقالته عموما اليوم الاحد ماداوم من المسئول عن مصالح الناس والله ان عندي وكاله ولا قدرت اخلصها ؟؟؟؟؟؟؟؟؟ والله اني اعرف واحد بالرياض عنده معامله عندة .. وكلم كاتب العدل بالتلفون وقال ياشيخ انت بكرة فيه ترا ابجيك من الرياض ..... قال بكره موجود ... المهم جاء الرجال من بكره وقالوا له الي بالمحكمه والله اليوم كاتب العدل بالرياض ؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ ربما هناك تهاون من المواطنين او من رئيس المركز والله اعلم في رفع شكوى ضده المهم انا ذا الحين وين اروح لعروى ولا لسنام ؟؟؟؟؟ بس اخاف الشيخ الي هناك يقول وين كاتب عدل الرويضة ...... او يقول انتظره لما يجي ؟ |
رد: كاتب عدل الرويضه (غير موجود بالخدمه مؤقتا) ابو رنا الله يعينك تنتظر كم شهر خخخخخخخخخخ الامر بسيط برقية ترفع يوضح فيها الوضع وانا اول واحد معك يالغالي |
رد: كاتب عدل الرويضه (غير موجود بالخدمه مؤقتا) ابو رنا فعلاً شيء حاصل ومراجعين كثير يتشكون من كاتب العدل وعدم تواجده في المحكمه ، انا شخصياً ولله الحمد ماجالي لزوم اني اراجع كاتب عدل المحكمه وانشاء الله ما أنحد عليه ، بس الي اسمعه من الناس الي تراجع كاتب العدل انه غير موجود على طول واذا حصل انه موجود تلقاه يطلب اشياء شبه تعجيزيه. ابو رنــــا انت عزيز وغالي ابعلق على موضوعك بس تقبل صراحتي..... أول شيء أنت تقول ربما هناك تهاون من المواطنين......انا معك في هذي النقطه ممكن المواطنين محد تجراء وشكاء كاتب العدل شكوى زي مايقولون(تبرد القلب) وانت اكبر مثال لهذا الشيء، تقولي كيف..!! انت طرحت موضوعك بدون ماتسوي شيء فعلياً على الوضع الي حاصل، والمواطنين الباقين نفس الوضع زي ماقلتلك محد شكاء شكوى تبرد القلب، واذا فرد قدم شكوى (وعلى حد علمي انه محد شكاه بشكل رسمي) تلقاه مايتابع شكواه ولا يسعى وراها صحيح فيه جهات مسؤوله ترفعها بس الحق الي ما وراه مطالب يضيع ونا أخوك. ثاني شيء تقول ربما هناك تهاون من رئيس المركز.....!!!! اسمحلي يابورنـــا انا اعترض معك في هذي النقطه، بعتقادي ورأيي المتواضع اذا مافيه احد قدم شكوى بشكل رسمي وتتضمن شكواهم بالناس ومعاملاتهم الي متعطله عند كاتب العدل فكيف يساعدك رئيس المركز في هذا الموضوع، ليش ماتجمع لك كم واحد من المراجعين الي يشكون من نفس الوضع وتتراسهم انت وتكتبون لكم معروض تبينون فيه مشكلتكم والوضع الحاصل بعدم تواجد كاتب العدل باستمرار في المحكمه وتقدمونه لرئيس المركز . وانا متأكد ان (أبـوعـلي رئيس المركز) إذا قابلته وشرحة له الشكوى وطالبة برفعها للجهات المعنيه بأنه لن يتأخر في ذلك. وتقبل مرووووووري،،،،، ،وصراحتي اخوي ابورنـــــــا |
رد: كاتب عدل الرويضه (غير موجود بالخدمه مؤقتا) عزيزي ابو رنا انا مقابل كاتب العدل اليوم الاحد في الرويضة بس يمكن عنده ظرف مثله مثل بقية الموظفين الله اعلم |
رد: كاتب عدل الرويضه (غير موجود بالخدمه مؤقتا) اقتباس:
والله انك صادز في كل شي قلته بس يقولون ... اسمع وش يقولون ... اليد الوحده ما تصفق يالله انا وانت وانتم جميعا فعلا والله كلامك في الصميم .. الواحد بس يهابد من بعيد لك احلى تحيه :bltawfik: :241: |
| الساعة الآن 08:00 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..