|
رد: هـــــــدوء تــوها نامــت *.:جروحــي.:* http://forum.mn66.com/imgcache/2/150920alsh3er.jpg http://forum.mn66.com/imgcache/2/150920alsh3er.jpg http://forum.mn66.com/imgcache/2/150920alsh3er.jpg http://www.5foq.com/vb/images/smilies/CE_DP_Stealer.gif يُمه ... هَيّن ...!! الهوى بعيون بنتك صار بيّن ... ما يبي له من يعَلم ...!! وصاحبي بالعشق أُستاذ ومُعَلِم كيف اخبي ...؟!إنتي من جِدك يا يُمه ...؟! وانا بنوته وقلبي وردي ... وصغَيّر ... ولَيّن ايه احبه ...!! يعني هذا اللي تبينه ...؟! كيف اخبي وهذا دربي ...؟!والهوى مكتوب من ربك وربي يوم شفته متكشخ ... ومتعطر ... ومتزين طاح كاسي فدوته راسي ... وناسي مو بكيفي ...!! يُمه جنني ب حنانه ما يخون الهوى عنده امانه وريحة انفاسه دخون مو طبيعي هالولد من جد يُمه فيه ذوق ... وفيه شوق ... وفيه للعشاق عوق يُمه يسلم لك حبيبك والله نَسَاني حليبك أي ورب الكون يُمه يُمه لو تدرين عنه ... قلتي لي فالك حبيبك ايه احبه ايه يمه ايه اموت برعشة شفاهه واذا يسمح الَّمّه سامحيني لو حلفت إني لَ " لِمّه " مو بكيفي وضحكته خمري ... وكيفي مو طبيعي هالولد عمري وربيعي وفوق هذا صار شاعر ... والله فعلاً مو طبيعي إن عشق كله جنون وإن حكى كله فنون ... على راسي ما يهون إيه يُمه إيه احبه واعصر ضلوعه واضمه وانتشي من ريحة انفاسه ... " واذا يسمح اشمه" خلى لعيوني كثير من البنات ... على شاني خلى نورة وخلى لمياء وخلى خولة ايه يُمه وخلى اسماء بنت خاله ... وخلى سارةبنت عمه اللي ابوها اخو ابوه ... ودمها هو نفس دمه باعهم لعيون بنتك ... واشتراني ... شفتي يُمه ...؟!وآنا اراه إنه غرامي ... وهو بعد مثلي يراني ... إلا احبه إلا احبه إلا احبه واللي ما يسمعني يسمع ... إلا احبه واعشق ترابه اذا داسه برجله قال لي مَرة اناظر ... قلت حاضر يا الله ناظر يوم ناظرني بكيت ما تحملت الهوى بعيونه السوداء وشكيت قال :ابوسك ...؟! قلت :تعقل ... وإلا احوسك ...؟! قال :انا اقصد على السنة قلت :ليت قال :والله لآخذك قدام اخوك ... بعد ما تربط يديني في يدينك بأمر ابوك قلت : تبطي ...؟! قال : لا لا قلت :لو ابطيت جيتك قال يسلم لي وفاك ... قلبي قلبك ... وبيتي بيتك ... لعن ابو من خان عشقك وما حفظ عهده معاك ... وما رعاك ... وما تذرى ظلال خصرك وقت صيف وما دفن نفسه بحضنك وخذ دفاك وإن خطبني لا تردونه يا يُمه ... آنا ابيه قولي ( تم ) لا تخلين العُمر يمشي الم ها يا يُمه ...؟! قولي ( تم ) |
رد: هـــــــدوء تــوها نامــت *.:جروحــي.:* http://www.shathaya.com/go/dir/22/Rame.jpg لاتقول فــ [ رميتك ] ماكنت رامي ! أشهد إنك . . . راميٍ أحسن صنيعه !! من عشقتك وإنت في جرحي عصامي ! ومن عرفتك . . . وإنت لك [ ذمّه وسيعه ] !! شايف وساكت ومتراكم ملامي في حياتي شفت شغلاتٍ فضيعه علمتني دنيتي { أكتِم } - غرامي وإن لقيت - إنسان بايعني , أبيعه !! وعلمتني كيف . . أحوّل / إنهزامي لأنتصاري . . . وآتحايل عـ الخديعه ! مهما أعطي للـ زَهَر كل إهتمامي ما يفتِّح , غير . . . في موسم ربيعه علمتني كيف " تتساقط " أسامي , وعلمتني كيف أبقى بـ..الطليعه علمتني أمشي و آطالع . . . أمامي ، طيحة الشاطر . . تجي دايم سريعه ! علمتني كيف أفرِضْه إحترامي , ولي كرامه , يهمّني تبقى رفيعه ليه أشيلك ذنب دام القلب سامي ؟ وليه أحمّل نفسي . . . ما لا أستطيعه ! ليه أتمتم وإنت ما تسمع كلامي ؟! ولو يحرضني لساني ليه أطيعه !؟ صمت عنّك . . . لا تجي وتجرح صيامي عندي الفرقى , ترى صارت [ طبيعه ] ! : ما أعاني , والحزن أصلاً نساني رحت عنّي تكفى [ لا ترجع ] . . . عشاني ! الأماني تحققت لحظة غيابك / مات حبي , وقمت ما أسمع أغاني ! كنت ذنبي وأحمد الله إنّه هداني |
رد: هـــــــدوء تــوها نامــت *.:جروحــي.:* http://www.shathaya.com/go/dir/22/kaNaT.jpg لا تهمّك . . عيني لو يوم : إغرقت لأني كلّي - قبل لا أعرفك . . . . ( غريق ) ! كان فيني " روح " كااان وفارقت الحزن مثل : الحَطَب . . . وآنا الحريق ! كل ما شفت السما فيني إبرقت تمطر عيوني . . . . و إحساسي رقيق ! إنت وإلا الناس عندي ما إفرقت وقت أحزاني . . . محد غيري [ يضيق ] ! كانت الفرحه { هنا } وين إزرقت ؟ في طريق أمشي وهي تمشي بـ طريق ! الطعون ضيوف ويوم إنْهَا إطرقت باب قلبي أفتحه . . . . و ألقى صديق !! الصداقه شمس . . . ولكن ما إشرقت ! كل ما أبني " رفيق " . . أهدم : رفيق ! ناس ماتسوى على أكتافي رقت . . وإنت غااالي . . مرقبك : قمة طويق ! إيد غيرك ياما من فرحي إسرقت . . . . وإنت عااادي . . شف لإيدك وش يليق !! منت آخر شخص . . والله : ما إفرقت ! ومنت أول . . من جرحني , لا تضيق |
رد: هـــــــدوء تــوها نامــت *.:جروحــي.:* http://el9ane3.jeeran.com/aw.jpg : إنتمائي للوطن في فكْر أوطاني / ضياع يا تبوس الأرض هذي أو تدوسك ناسَهَا دنيتك هذي , مبادىء تلبس إثياب الخداع وكم شجاعٍ ضلْ عاري والملابسْ داسَهَا يا رئيس إلهامْ فكري لا تخافْ .. منْ الوداع [ شاعرك ] .. يبقى قويٍ والقصيده حاسَهَا إيه أنا عايش وميّتْ . . والحقيقه ما تُشاع ! الحَطَب صار الصراحه والكِذِبْ هو فاسَهَا شوف هذا / إيه هذا , اللي جالسْ بجتماع ما وصل للي عليه إلا .. . " أيادي " باسَهَا طيبتك ما عاد تنفع في زمـنْ , كلّه جياع غابةٍ من دونْ وااالي وما تِدِقْ أجراسَهَا مُتْهم ضدّه النيابه وهمْ بعد ضدّه الدفاع المؤبد لـه براءه ويحمد اللـه جاسَهَا المصيبـه لو تبي تبليكْ تلْبسْ لك قناع تخْتلقْ لك أي جريمه وتحْبسكْ بأنفاسَهَا القهر أقرب قريبٍ لا لوى بيده الذراع ماحَشَم ذيكْ العجوزْ اللي حَلفْ لكْ راسَهَا لا خذاني الموتْ منّك إمسكْ بقوّه الشراع لا تمشيك الريـاح / بكيفها / وإحساسَهَا دنيتك مثل السفينه وقلتْ: هالكلمه مساع لا تمشيك الرياح / ويخدعـك وسواسَهَا يا رفيقي يا مواني رحلتي , جيدْ السماع المسافه لا تقدّرهـا . . ويخون / إقياسَهَا داخلك أدري مشاكل ضايعه بين الصراع بينك وبينك { مآسي } . . يلعنْ الله ساسَهَا لكن إصبر في رزانه ولا يغرّك الإندفاع " الفَرَجْ " بالصبر يأتي / والمدامع واسَهَا دنيتك كاسٍ جرعته سمْ ودّاني الضياع وما أبيك تصير مثلي وتنخدع في كاسَهَا |
رد: هـــــــدوء تــوها نامــت *.:جروحــي.:* |
| الساعة الآن 10:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..