|
الشاعر عبدالعزيز مفلح العصيمي يابو فهد ونين اخوك وشهيقه تراه من همن على القلب يكويه انا حزين وشلت همن ماطيقه الهم جاني منصرم من علاويه ياهاجسي من دون عزف ومسيقه الي تخيرته من الجزل عطنيه الشعر عند الناس مثل الوثيقه بقضي لزومي من جزيله واخليه والله لعدي فالطويل ولويقه وانا منول حالفن اني ماعديه هونت عن حلفي على شان ضيقه وجروحن احدثها الزمان وبلاويه واخترت في عال الجبال الشهيقه قالولي انه يمحي هموم راقيه وحولت من سفحه جروحي عميقه لاجرح فارقني ولاهم ناسيه صعبن على الرجال يفقد رفيقه وانا الذي فارق رفيقه وغاليه مرحوم ياللي كل طيب صديقه الراس شامخ والنشاما تخاويه الفعل طيب والمشاعر رقيقه الله بالفردوس الاعلى يجازيه مدري قرين الجود ولا شقيقه كيف امدحه كيف اوصفه كيف احليه ماله حلين في الحجاز وطريقه والشرق مادوج بها من يحاليه ولا بالجنوب ولا بنجد العريقه ولاله حلين بالشمال وضواحيه كنت انتظر بالثانيه والدقيقه وجزر الايام من شان الاقيه واليوم عيني في دموعي غريقه واقول هلي باقي الدمع هليه بعده ولون البشر في حريقه اللي توفى بعد سلطان مابكيه ويابو فهد انكان تبغى الحقيقه اخوك طول العمر لازم تعزيه |
رد: الشاعر عبدالعزيز مفلح العصيمي نبي تفاصيل اكثر عن الشاعر هل سكن الرويضة حديثا ام من اهل الهجر المجاورة؟ للاهمية |
رد: الشاعر عبدالعزيز مفلح العصيمي عبدالعزيز العصيمي من سكان الرويضه حالين |
رد: الشاعر عبدالعزيز مفلح العصيمي اشكرك يا ابو رنيم على المشاركه بقصيده الشاعر عبدالعزيز العصيمي الاخ سعود بن عبدالله ابي اعطيك نبذه عن الشاعر عبد العزيز مفلح العصيمي وهو من سكان الرويضه حاليا وسابقا من سكان الطائف وهو شاعر محاوره وساعر نظم وسبق وشارك مع شعار الرويضه وخاصه من شعار السهول وبا مكانك تسأل اي شاعر من شعراء السهول وهم يعرفونه عز المعرفه وخاصه الشيبان هذا الذي حبيت اضيفه اليوم |
| الساعة الآن 09:47 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..