|
ابا الديار اللي بها سهول وسبيع قال الشاعر شايع بن فراج السهلي هذه القصيدة الرائعة الله على اللي لا نوينـا المطاليـع مشيه يونس مع خضار الربيعـي امرفعا بديه على الكيـف ترفيـع شد الوكالـه ماهـواه الرجيعـي جيباً يقطـع نـازح الـدو تقطيـع اسبق من الشيهان مشيه سريعـي ابي عليه اشوف هـاك المرابيـع شوف البداوه والجمـال الطبيعـي سج القدم مع لابسـات الدراريـع سخاف البطون مهلكات الرضيعي نجل العيون منقشـات الأصابيـع بنـات بـدو يتبعـون القطيـعـي بنـات بـدون يبعـدون المشاليـع يتلـون قطعانـاً تلامـع لميعـي قطعانهم هفت على مبلـج الريـع صفر البكار وكل شقحاء قريعـي على الرحول تروج من غير تطبيع والهرش معها غاديناً له قضيعـي منزالهم فيـه الزبيـدي مصاليـع قفر لـه البـدوان شـدو نجيعـي امنوعه ربي مـن النبـت تنويـع الطرش وسطه والحباري جميعي هاذا هواي وفي هواء القلب ماطيع ياخبـل ناسـاً للبـداوه تبيـعـي ابا الديار اللي بها سهول وسبيـع دارٍ اهلهـا يشبعـون الجويعـي دارٍ اهلهـا ينطحـون المداريـع دون العشاير يذبحـون الشجيعـي قومٍ تطوع دايخ الـراس تطويـع واليا زبنهم خايفـاً مـا يضيعـي ربعي هل العارض قروم بواتيـع اهل السلوم اللي تفـك المنيعـي اهل السلـوم الطيبـه والمنافيـع عسى لهم في ذمـة الله شفيعـي بيوتهم مثـل الهضـاب المقاطيـع ونجورهم تضبح بصوتـاً رفيعـي |
رد: ابا الديار اللي بها سهول وسبيع كالعاده مميز وذائقتك رائعـــه كن هنآ (http://ma-des.com/vb/images/smilenew/f12.gifhttp://ma-des.com/vb/images/smilenew/004.gif ) |
رد: ابا الديار اللي بها سهول وسبيع ابو طارق لاهنت ابدعت بما نقلت |
رد: ابا الديار اللي بها سهول وسبيع اقتباس:
لاعدمناك |
رد: ابا الديار اللي بها سهول وسبيع صح لسان قايلها وسلمت انامل ناقلها لاهنت ابو طارق |
| الساعة الآن 02:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..