| |
| |
14-11-2010, 09:03 PM
| ||||||||
| ||||||||
رد مني على من هجـــانــأ... ياناشـد(ن) عنا عسى السيف لك بـان قلي عسى الي قد شربتوه فاحي صدري على الطيب وسع سد نجران وصدري عليكم ضيق الانشراحي أسمي على النوماس يمنـن لسلمان يضربه ابن سعود وقت الكفاحي وانا مع النشده فلاني(ب)بلشان وعزي لمـن سـده مع الناس باحي يابندقي سوقي على قطر نيشان نعرف وجيه اهل البكاء والنياحي جرحك دمي واستوعب العلم يافلان لاشلت هم الليل نام الصباحي لانت(ب) مع المعزى ولانت(ب)مع الضان اخطيت جرات العوى بالنباحي كانك تنوش الطيب فالسيف رويان في حنيته سر(ن )عميق الجراحي تغانم المشروب لو كنت جوعان وانا اتربع في مياه(ن)قراحي نضمت لك شعري وردي على شان نحكي بها مادمت حي(ن) وانا حي ياجاهل(ن) فينا ترا الجد شامان يالله عسى قبره وسيع(ن)براحي وجده ولد معدل على الصعب مالان شيخ(ن)على الظهران سمي مناحي وابوي عساف المواقف كحيلان وانسابه العزه سبيع الشراحي وابن وهق يبقى ويسلم ولاهان ذكره عريق ولابيمحيه ماحي منزالنا مابين برقا وقحطان مشراف للعارض برمز السلاحي قدر الرويضه دار ذربين الايمان رفع السحاب الي به البرق لاحي دار الكرم والطيب من دون بيبان فيها الشحم والضيف كرم وراحي لاطامه العدوان ربعي وقشران لاشافت الدخان والدم ساحي اهل الخيول الي بها سرج وعنان يوم الرجال تعاف حلو المراحي ياما قلعنا الروس من فوق الامتان نضرب ببطش الي سعاء للنجاحي حنا بني عامر نسبنا لعدنان سهول(ن)نزلنا في جميع النواحي هذا كلام(ن)له وثيقه وبرهان ماهو كلام الي وقف ثم طاحي وانا احمدالله دارنا غير الاوطان في ضل حكام النقاء والفلاحي عبدالله ابن سعود واخوه سلطان ونايف بعد وده لنا بالصلاحي في ضلهم ولد الفقر صار شبعان والنهر طعمه غير بحر الملاحي وختامها صلو عدد قافيت آن على النبي الي بذكره رباحي تمت هنا والشعر ماهوب قران بعضه نسيم وبعض نضمه رياحي  |
|
14-11-2010, 10:03 PM
| ||||||||||||
| ||||||||||||
رد: رد مني على من هجـــانــأ...
كفو كفو حي والله ذالعين يابو علي.. قصيدتن جزلة من شاعرن جزل , وكفو بشامان ومناحي بن معدل وابووك...كلهم متوارثين الطيب ابو عن جد... تسلم والله على هالقصيدة...بس ماقلت لنا وش المناسبة او بالأصح من اللي هجانا؟
|
|
14-11-2010, 11:20 PM
| |||||||||||||
| |||||||||||||
|
رد: رد مني على من هجـــانــأ... صح لسانك وبيض الله وجهك جزل زلا تجيب الا الجزل
|
|
14-11-2010, 11:27 PM
| |||||||||||
| |||||||||||
|
رد: رد مني على من هجـــانــأ... حلوه القصيده ودي ارد بس الكيبورد خربان فيه حروف خربانه
|
|
15-11-2010, 11:26 AM
| ||||||||||||
| ||||||||||||
|
رد: رد مني على من هجـــانــأ... اللهم صلي وسلم على نبينا محمد صح لسانك واعتلا شانك قصيده قويه بكلماتها ومعناها رديت ابدي اعجابي الشديد فيها الله يعطيك العافيه ^_^ ~
|
 |
| مواقع النشر (المفضلة) |
|
|
 |  |
العرض المتطور
