خلّوٍه يٍجٍرحٍنٍي ويـًرًتآحً .. خًـلّوًهً ..

#1 (**permalink**) 14-11-2010, 02:58 AM

خلّوه .. يجرحني و يرتاح .. خلّوه
يبوح .. باشياء .. قديمه .. كتمها

لا ماعلى .. طعنات يدّيه .. مشروه
أستاهل الطّعنه .. واجي .. و اغتنمها

قولوا له انّي قلت ياناس .. عانوه
ذا .. قلبه الغالي.. وروحي حكمها

هو من كسبني يوم غيره تحدّوه
لو كنت ( ديره ) كان قلبه.. ( علمها )

ماغرّني غيره ولا الغير .. غرّوه
لكن مباني الحب .. حظّي هدمها

في حفرة الضّيقه .. اذا طاح.. شلّوه
هو من حياتي .. بالسّعاده رسمها

طلته ولا غيري من النّاس .. طالوه
له هيبة .. عنّ جد.. انا أحترمها

بقول ياقلب نفع ناس .. باعوه
زمن نفع ناس .. و ناس .. ظلمها

برحل عن دياره .. وفالقلب .. انسوه
متدفّي بنار ..فراقه فحمها

مجبور أجافي .. بسّ وصّوه .. وصّوه
يذكر ليالي .. حبّنا .. ويحشمها

ماجاه منّي.. أي غلطه .. ومكروه
راح بشموخه.. والمحبّه ..حسمها

خلّوه ينساني .. ويرتاح .. خلّوه
مادامها .. فرقا .. وربّي.. قسمها

مما راق لي

#2 (**permalink**) 14-11-2010, 10:43 AM

الله يعافيك يالغلا على الكلمات المميزه
اليوم انتي في كل حالاتك تستاهلين التقييم ^_^

#3 (**permalink**) 14-11-2010, 09:54 PM

ياسلام عليييك..

ابيات جميلة جداً..

في انتظار الاجمل...

تسلمين ولاهنتي

#4 (**permalink**) 14-11-2010, 11:21 PM

سلمت يداك

اختيار جميل

ماراق لك رااق لي

#5 (**permalink**) 15-11-2010, 01:15 AM

المشاركة الأصلية كتبت بواسطة صديقة القلم

الله يعافيك يالغلا على الكلمات المميزه
اليوم انتي في كل حالاتك تستاهلين التقييم ^_^

اشكرك اختي صديقة ع التواجد اسعدتيني بهالطلة ماننحرم منها يارب
يسلموو ع التقييم ياعسل

خلّوٍه يٍجٍرحٍنٍي ويـًرًتآحً .. خًـلّوًهً ..

صهيل القصيد