مجالس الرويضة لكل العرب - .. [ . . , يُ بَ ه .. / وَ وَ وَ يْنك ’ (w) ~ ]

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

.. [ . . , يُ بَ ه .. / وَ وَ وَ يْنك ’ (w) ~ ]

رد: .. [ . . , يُ بَ ه .. / وَ وَ وَ يْنك ’ (w) ~ ]

http://vipxvip.org/up/upfiles/r0355281.jpg

قالولي إني أشبهك / حتى بملامح طيبتك
الحمد لله يوم خلا لي خُطا . . تـتبع خطاك

رغم إن ما هز الخفوق : إلا طواري غيبتك
ببقى على وعد السنين/ اللي رسمها لي غلاك

مدّيت كفّي للسما / إشتقت اصافح شيبتك
ألمس مصابيح إكتست.. لون البياض اللّي كساك

يا ليت للذكرى شفاه / لا سولفت عن هيبتك
اقرى ملامحها / مثل ما كان يقراني رضاك

كل الدروب ليا مشيت , تحكيلي عن توجيبتك
وكيف إنها شالت كثييير وما لقت أحد بِ [ وفاك

وكل النوايا اللّي تخاف الله خذت من ريبتك
شيٍ تجمّل به عساها بالعطا تاصل عطاك

حتى الرياض / اللّي تقول / إنه غدت حبيبتك
من يوم رحت:وهي تعزّم تاقف / وتقبل عزاك

أثر المسا , ماهو مسا دامه فقد ترحيبتك
مدري تغيّر : أو أنا أتغيرت : أو متنا معاك

لو هي على حزني بأصبر / بس .. مصيبتك :
باللّي عجز يلقى حزن بالكون يستاهل رثاك

يا صغر هـ الدنيا بعيني | لا طرت لي غيبتك
دام المشاعر لا غفت عن صوتك . . تفز لصداك

الموت حق : ولو يخيّر / إستحى .. من طيبتك
وإستغفر الله ما تعدّى باقي الخلق .. وخذاك !!

.............. ~ { صالح العبد الكريم

**

http://vipxvip.org/up/upfiles/zxo55281.jpg

أنا كيفي ؟
سوادٍ ساكن بعيني
عقب فرقاه

ألاقي بكل بزوايا البيت
صور
و
اشيا تذكرني

ثيابه
عطره
ضحكاته

دموعه
صدقه
عتابه

كلامه
حبه
أشعاره

وفاه
وْ قلبه
وازهاره !

وأكتب جملة وأذكر كتبناها سوى مرّه
واكسّر هالقلم واصرخ لا عاد تعيد هالكرّه !!
قلم مسكين وش ذنبه ؟؟ جزاته خفف همومي !!

يعيّشني معه والقاه
يسولف
وابتسم ويّاه

بكيته بس عرفت اني
ولا اسوى شي من دونه
تهون الدمعة في عيني
وابيع الفرحه بسنيني

لو افقد فرحتي
[ عادي ]

لو افقد بسمتي
[ عادي ]

لو افقد أيْ شي
[ عاااااااااااااا ااادي ]
ولكن ما افقد عيونه !!

وش اللي صار بسنيني ؟؟
أبد بس حالي متألم !!

تفضّل

تفضّل واقرى في عيني
ملامح [ حلم ] متحطم !!

تشوف الكون كيف اسود ؟
تحس فْـ حالتي بالضعف؟؟

أنا ويّاه قويّة حيل
أبيّه صامدة ما اميل
ومن بعده غدينا اصحاب
أنا واحزاني والمنديل !!

تعال :

بس افتحه صدري
وش اللي لقيته في عمري ؟!

حلم مذبوح ؟؟

أمل موجوع ؟؟

ضياع ودموع؟؟

قلب مكسور؟؟

صدر مخنوق

ثمار [ فراقه ] لهالـروح !!

غيابه زوّد آلامي
خناجر مع وجع وآلام

غيابه حطّم احلامي
وصرت آعيشه بأوهام

شكى قلبي من احزانه ؟؟
أبد والله عزيز القلب !!
أقول بضحك على شانه
ودمعي يسيل مني غصب !!

صحيح هذا الزمن قاسي
زمن سارق أعز ناسي

بحاول أحيا
و أفرح !

بعاند يازمن واجرح
بطيح
لكن عشان اذبحك

أبوقف يازمن واضحك !

وش بقى لي غير دمعٍ بعد ماهم .......... غسلوك؟!
وش بقى لي من فقدتك [ غيـر ] صـورة لـك فبالـي

آه لوّ تحس فيني بعد ماهـم .......... كفنـوك !!؟
كنـت [ اهـزّك ] قـوم يالله إمسـح دموعـي ياغالـي

قوم مزحك ماهو وقته بسّك انته .......... واحملوك !!
وصرت اتمتم [ ويـن رايـح ] ليـه تتركنـي لحالـي ؟

هذا يضحك لسّـه عايـش وفجـأه عنـي [أبعـدوك] !!
ليه عني تبعـدووووه واهـوا مستانـس قبالـي !!!؟؟؟

رد ياثوبـه [ علامـك ] ليـه تـرضـى يشلـحـوك ؟
أحتضـن ميـن فغيابـه ثـوب [ مرمـي ٍوخـالـي ]؟

ربــي إرحمـهـم عـبـادٍ كـبـروك وعـظـمـوك
ربـي ماهـو كفـر منـي ربـي إغفـر لـي هبالـي .

. . | الهنوف بنت خالد .........

**

رد: .. [ . . , يُ بَ ه .. / وَ وَ وَ يْنك ’ (w) ~ ]

http://vipxvip.org/up/upfiles/a3i55281.jpg

دقـات قلبي تزيد بحرة ٍ فيها . . . والدمع من مهجتي بالحزن ذرافي
من لوعة يا عسى ربي يجليها . . . حمى غشتني بغم وتنفض أطرافي
ليت الليالي تعود بحلو ما ضيها . . . هيهاتي ترجع بما روَّح وما طافي
كل ٍ يعزي وأنا روحي أعزيها . . . لرحيل أبوي اللي بالأفضال معطافي
آآآهـ من الوقت والدنيـا أثنِّيها . . . دنيا تفرق شمل بالحيل تنعافي
بسمتك يا والدي ما ني بناسيها . . . تضحك إذا شفتني بالخير متعافي
ليت العمر ساعته تنباع وأشريها . . . بأغلى ثمن يايبه للعمر تنضافي
مسجدك مشتاق للآية وتاليها . . . ومنبرك من عقب ما فارقت له طافي
غرشة دهن عودك بدرجك أغطِّيها . . . أشم ريحه وكنك مقبل(ن) لافي
نظارتك شلتها حزني يبكِّيها . . . حتى المساويك ناحت بين الأرفافي
وعصاك مسنودة(ن) جيت أبحاكيها . . . تقول يكفيني ما فيني ترى كافي
وبستانك اللي به النخلات تسقيها . . . يبست سواقيه تمره دون خرافي
يبه .. يبه .. يا يبه لمن بأطرِّيها . . . هني من له أبو حي(ن) وينشافي
فنجال قهوة معاك أوقات نغليها . . . ويضمني بالشتاء في مشلح دافي
همزت رجليك أنا أفدى مواطيها . . . أرجي لبرِّك عسى ما تشكي خلافي
الارض ضاقت علي باوسع فيافيها . . . ماذقت نوم هني والانس متجافي
فضايلك يا يبه عجزان أوَفِّيها . . . لو وصلت بالشعر بيت الألف من قافي
يا ربي تجعله للفردوس ناصيها . . . ومن ثمار الجنان الاخضر قطَّافي

.............. ~ { سعد الطلحة

**

http://vipxvip.org/up/upfiles/emx80449.jpg

يابوي وينك عليك الروح ولهانه
والعين هلت على فرقاك خافيها

يابوي رحت وتركت نفوس تعبانه
وقلوب تنبض بحبك في مآسيها

البيت يصرخ يهز الصوت جدرانه
وين الذي سيرته زانت معانيها

وين الكريم الذي ماجف بستانه
يمناه ماوقف والخير حاويها

وين الذي بالعطا مامل ميزانه
ان زار له ديره يسعد أهاليها

مثل المطر بينهم يازين هتانـه
يروي صحاري وتفرح به أراضيها

وين الذي ماعبس وجهه لجيرانه
وين الذي تفتخر داره بلي فيها

وين الذي سيدالأحسان أحسانه
نفسه خفيفه بحاضرها وماضيها

وين الذي ماشكى لفلان فلانه
وين الذي ماذخر زله لراعيها

وين الذي في مجال الطيب له شانه
طيبه سحابه تجود بكل مافيها

جو الحزن ماخمد بالقلب بركانه
ياشينها ليله بانت مواريها

ناس تواسي وناس شبه غرقانه
وناس تعزي وتخنقنا تعازيها

يبكي عليه الشجرويبكي أغصانه
وتبكي عليه الدروب اللي يراعيها

ويبكي عليه البحر سيفه وشطآنه
تبكي عليه المدينه مع ضواحيها

نبكي ونبكي وكلٍ يخفي أحزانه
والروح مافارقت الا لداعيها

الله نور السما والأرض سبحانه
يرحم ابونا ويرسيه بمراسيها

جنات ينعم بها بالخير مليانه
يرتاح في ظلها ويذوق صافيها

. . |نبيل العضيدان ......

**

رد: .. [ . . , يُ بَ ه .. / وَ وَ وَ يْنك ’ (w) ~ ]

http://vipxvip.org/up/upfiles/wyl55281.jpg

يبه وينك !
تعب صوتي وملّيتك !
وملّيتك !
كذب من قال ملّيتك !
أو نسيتك ..
يبه كلّي يبي بيتك !

يبه تدري ..
معاد أحس بي / مدري !
أو إنّي من دريت
إن الأماني حلم .. ناديتك ..

يبه شفني أنا بنتك ..
حبيبة قلبك وعمرك ..
هذيك الطفلة اللي ياما لعبها أذاك ..
ولا تكلمت ..

يبه تذكر أغانينا أنا ويّاك ..
وسكّة حلمنا مع بعض ..
وصوتك لأنخلط مع بحة سكوتي ..
يبه حنّيت ..
ورب البيت ..
ل أيام الشقا حنّيت ..
لدروب السهر والحلم ..
وذاك الشارع المنفي ..
وضحكة أمي الخجلى ..
إلى من قلت ياليتك ..

يبه ودي أنا أحكي لك ..
عن أسراري ..
عن اللي صار ب/أخباري ..
عن بكاي .. وقهر داري ..
عن الضّيق الي ساكني ..
ولبّسني معاه سكوت ..

وأبي أكثر من أحضانك ..
وأبي أكثر من أسوارك ..
أبيك تكتف يديني ..
وتسجني وسط روحك ..

يبه ناظرني بعينك ..
وعمّق نظرتك فيني ..
ولاحظ كل تفاصيلي ..
بتقرأ كل عناويني ..

بتقرأ هالتعب وشلون دمرني ..
وكيف إن الضحك فيني ..
غدى موجع ..
نعم موجع ..

يبه تكفى تعال شويّ ..
وأبي تسمعني بقلبك ..
يبه إسمع ..
ضجيج .. وزحمة من حولي ..
صدى مطعون بهمومي ..
وأنا من بينهم أشعر ..
بغربة إمتلت كوني ..

وأصوّت لك ..
وأنا عندك ..
وأنا جنبك ..
يبه تسمع أحاديثي ..
وتسمع كيف أحتاجك ..
ابيك تمدّ لي يدّك ..
ابشعل فيني سراجك ..

يبه برحل ..
وبترك لك معاك حروف ..
إلى من جيت في بالك ..
تذكّرها ..
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !

.............. ~ { رزان العتيبي

**

http://vipxvip.org/up/upfiles/per55281.jpg

عدّى عمر .. ياليت الأعمار تنعاد
وأرجع بلا شيب وبليا تجاعيد

أرجع وأضم أبوي وأقول: لا عاد
تموت وتتركني مثل ليلة العيد

يوم اسألوا عنك الصبايا والأولاد
وقلت:أمي تقول انه مسافر بعيد

بكيت ليلتها وناديت..ما فاد
وظليت أصوت لك .. وأناديك وأعيد

عوّد يا بوي وجب لي ثياب جداد
يا كثر ما تنسى يا بوي المواعيد

بكيتك لحالي وأنا كنت معتاد
تكف دمعي بإيد وتضمني بإيد

كم كنت محتاجك تجي كنّك رقاد
تمطر من كفوفك صلاة وعناقيد

احتجت لك طفلٍ كسر قلب الأعياد
واحتجت لك طيش وشباب وتناهيد

واحتجت لك شاعر له أحباب وأضداد
واحتجت لك رجال يخشى المناقيد

احتجت لك .. واحتاج لك ظل وسناد
العمر ينقص واحتياجي لك يزيد

. . |فهد المساعد ......

**

رد: .. [ . . , يُ بَ ه .. / وَ وَ وَ يْنك ’ (w) ~ ]

انفآس الورد

نصوص مميزه

وتنسيق مميز

طرح يتكلم موضوع مهم وإنسان مهم

الله يعطيك العافيه ^_^ ~