..×] ودي أموت اليوم واعيش باكر [×..

بسم الله الرحمن الرحيم
السلام عليكم ورحمة الله وبركاته
.
.
.
.
.
.
.
.
.
.
.
.
.
/

ودي اموت [ اليوم ] واعيش باكر
واشوف منهو بعد موتي فقدني

ومنهو حملني لين ذيك [ المقابر ]
واشكر أنا كل من كرمني ودفني

وبشوف يرثيني انا كم شاعر ؟
ومنهو تركني وماكتب شي عني

شخص [ن] تعنى لي مع انه مسافر
وشخص [ن] قريبٍ وأنا ميت طعني

وشخص [ن] يمثل دمعته ماهو قادر
وشخص [ن]تطيح دموعه كل ماذكرني

ومنهو من أهلي في العزا كان حاضر
ومنهو دعا لي في صلاته ورحمني

ومنهو بنى ( باسمي ) سبيل ومنابر

ومنهو يفز قلبه إلا من لمحني

ومنهو عشاني طول الأيام ساهر
ومنهو ثلاث أيام راح وتركني

ومنهو يرتب غرفتي والدفاتر !!
وإن شاف صورت (ن) لي مات وحضني

يالله عسى ماتغفى كل المشاعر
ويالله عسى ماينصدم يوم ظني

خايف يروح العمر وأكون خاسر
وإن طار طيري مايفيد التمني

وخايف يجني وقت أكسر خواطر
إن دارت الدنيا وزماني كسرني

ومدام هذي الدنيا صارت مظاهر
وكل من على كيفه وجوّه يغني

صحيح مسلم لكن الهم كافر
كل مابغيت اضحك يهددني حزني

الضيق وافي والحزن حيل وافر
والجرح اكثر شي شفته يحبني

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني ياحزني آمر ؟!
مسكين فرحي تصدق أنه وحشني

شاعر ولكني ماني بشاعر
ودي اموت اليوم وارتاح مني ,,,

ذائقة عطرة

ننتظر منك المزيد

	المشاركة الأصلية كتبت بواسطة سمو الاحساس

	ذائقة عطرة ننتظر منك المزيد

يعطيك الف عافية على مرورك العاطر

الله يعافيك يالغاليه

طرح في منتهى الروعه ^_^~

	المشاركة الأصلية كتبت بواسطة صديقة القلم

	الله يعافيك يالغاليه طرح في منتهى الروعه ^_^~

يسلمووو يا حبي على المرور العطر,,,