ســآلفـه عشــآق ..~

#1 (**permalink**) 08-11-2010, 11:47 PM

من بغا الفراقا لقا له عذر وأسباب ودليل

خل عنك العذر والأسباب دام الحب ضاع

كان ودك بـ(الفراق)..ابشر عسى عمرك طويل

لا تردد وأنت لك كلمة ولك امر مطاع

لي عليك..انك تبت بـ(كلمة)تشفي الغليل

ولك عليّ..اني لا وقف وقفه الرجل الشجاع

لا تجاملني مخافة(قال)..مدري خوف(قيل)

عمر هرج الناس ما يسمن ولا يغني جياع

كان قصدك(سر) حبك..أوعدك لـ(اصبح)بخيل

واحمل اسرارك معي لـ(الموت)قدر المستطاع

بس قلها..قل:مـ(احبك),,وابشر بـ(صبر)جميل

لاتحسب اني مثل من طبعهم لوي الذراع

صاحبك ماهو كذا..ياصاحب القد النحيل

صاحبك طبعه غريب..وغربته غربه طباع

فـ(الهوى)ما يقبل الحل الوسط ولا القليل

مثل ماهو لا شرى،يشري..ليامن باع،باع

ثابت لو هي تميل الارض حدره ما يميل

يدري ان الفقر ماهو عيب والدنيا متاع

ما عشق لذة حياته..كثر عشق المستحيل

ولا كره حتى مماته..كثر كره الانصياع

كم تعلم من حياة البدو..وش معنى الرحيل

وكم تعلم من غروب الشمس..وش معنى الوداع

وكم تعلم من سحاب الصيف..وش معنى الحصيل

وكم تعلم من ليال البرد..وش معنى الضياع

ايه..انا هذا طريقي (موحش وصعب وطويل)

وانت لا منك تعبت..العالم فجوجه وساع

اعتبرني في بداية سكتك..عابر سبيل

وروح وانا قلبي معك من وين وجهت الشراع

يكفي اني لا ذكرت فـ(سالفة)عشاق..قيل:

”عاشر احبابه شجاع..وفارق احبابه شجاع“

كلمات الشاعر المبدع:فهد المساعد

#2 (**permalink**) 09-11-2010, 06:04 PM

كل شي من فهد يعجبني يسلملي ذوووقك يا لذة
عوآآآآآآآآفي

#3 (**permalink**) 09-11-2010, 11:54 PM

لذة سوالف

اهنئك على هذا الاختيار

#4 (**permalink**) 10-11-2010, 12:15 AM

سمو الاحساس, •• ŚωєєT ĞiяL ••

يسسلمكم ربيْ

لآ عدمت هـَآلطله

منـوُرٍين

#5 (**permalink**) 10-11-2010, 10:38 AM

من بغا الفراقا لقا له عذر وأسباب ودليل

خل عنك العذر والأسباب دام الحب ضاع

كان ودك بـ(الفراق)..ابشر عسى عمرك طويل

لا تردد وأنت لك كلمة ولك امر مطاع

صح لسانك ولسان شاعرها
اختيار موفق وفقك الله

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

ســآلفـه عشــآق ..~

صهيل القصيد