|
ما جيت أذل النفس ناوي ترجيك السلام عليكم ورحمة الله وبركاته يا منشغل عني وش اللي منسيك ... ..... قلي علامك صرت جاحد وناســي ما تدري إني ساهر الليل وأبغيك ... ..... واقف على باب الأمل والمآســي في كل لحظه أسكب الدمع وأبكيك ... .... وفي ظرف ليله صرت جاير وقاســي ما تدري إن الوقت زود تحديك ... ..... وحالك حبيبي صار شبه انتكاســـي ما جيت شاكي للعرب في معاليك ... ..... جيتك وتدري أنت كلــي وناســـي لا يا بعد عيني هذيه قبل ذيك ... ..... ضيوفك بيتك فوق عيني وراســـي لكن إلى حد الفجر وين طاريك ... ..... وفياض شوقي من جفاكم يباســـي مالك عذر فيني ولي حق أنا فيك ... ..... عطيتني مقيــاس ماهو مقاســــي سلم على اللي جاك من قلب ويبيك ... .... وودع طروش الليل عقب المراســي ما جيت أذل النفس ناوي ترجيك ... ..... ولا جيت بأسلوب الشعر أو سياســي أنا آسيرك والمعاليق بيديك ... ..... والقلب ياما داس لجلك وداســـي جتك المشاريه النديات تبيكيك ... ..... من كثرة أشواقي وصادق إحساســي والخاتمه تصبح على خير ببكيك ... ..... ويالله عسى دمعي لحالي يواســـي ولامن صحيت اذكر من الناس شاريك ... ..... محبوبك اللي عنه لاهي وناســـي |
رد: ما جيت أذل النفس ناوي ترجيك الله الله تسلم يمين ناقلها وصح لسان شاعرها فيصل لاهنت.. |
رد: ما جيت أذل النفس ناوي ترجيك الله الله الله عليييك ... ماجيت اذل النفس ناوي ترجيك << اجل وش جاي عشانة هع مبدع الله جعلك تسلم ويرحم والديك.. لاهنت |
| الساعة الآن 02:27 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..