|
غريبه قلوبنا حيه على الدنيا ...قصيده تستحق القراءه غريب الحب بابن ادم تحس انه ليوم الدين ولكن تكشفه الدنيا بلحظه ينسى خلانه.. غريب الحقد بابن ادم يعادي ومو مهم يلين عدوه برحمة المولى يصير اقرب من اخوانه.. غريبه طعنة الغفله بسبايب طعنها غالين صديقك سبب جروحك يداوي الجرح عدوانه.. غريبه قصة البسمه تزيل همومنا كل حين تقول ان الحزن مهما كبر لابد نسيانه.. غريبه يادموع العين فرحنا نحزن تهلين ولا اشوفك في جوف الليل وخشية ربي عنوانه.. غريبه قلوبنا حيه على الدنيا وننسى الدين نتاجر فيها بانفسنا وندري النفس خسرانه.. غريبه نعترف انه بشر مع ربنا مقصرين واذا انعم علينا بشي تمادينا بعصيانه.. غريبه اننا نسهى وننسى اننا ميتين وبعد الموت ماندري بجنه او بنيرانه.. بشر نمشي ورا الدنيا لكن لي متى ولوين نبيها بكل ما فيها ولكن من على شانه.. نظن ان الغنى فيها ولا فكرنا وش بعدين وش اللي راح ننطق به اذا حاسبنا ميزانه.. وش اللي نستره بكره وننكر اننا مسوين نقول الدنيا غرتنا وعشنا بلذه حيرانه.. منو اللي مالك الدنيا منو اللي امهل العاصين منو اللي بكلمته يقدر يزيل الشر واعوانه.. ياربي لطفك وعفوك ياربي جينا لك راجين ياربي ارأف بعبدك تجاوز زلة ازمانه.. |
رد: غريبه قلوبنا حيه على الدنيا ...قصيده تستحق القراءه يالله المستعان.... قصيدة في غاية الجمال... تسلمين ولاهنتي |
رد: غريبه قلوبنا حيه على الدنيا ...قصيده تستحق القراءه رائعه بكل ماتحمل الكلمه من معنى هالقصيده ,, اختيار وذائقه من اروع مايكون :) |
رد: غريبه قلوبنا حيه على الدنيا ...قصيده تستحق القراءه اهنيك على اختيارك الراقي .. اختيار مميز .. دمتي بود |
رد: غريبه قلوبنا حيه على الدنيا ...قصيده تستحق القراءه الغلا ^_^ غريبه نعترف انه بشر مع ربنا مقصرين واذا انعم علينا بشي تمادينا بعصيانه.. ابدعتي في اختيارك وليس بغريب عليك ~ |
| الساعة الآن 06:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..