|
مرثية في ابو ريم هذي المرثية في المرحوم محمد بن عبدالرحمن السهلي (( ابو ريم )) ااشاعر ظافر بن سعيد السهلي لا والله ألا يامحمد فقدناك واحد ولاكنك عن الفين رجال مات الامل بعيون ناس تحراك عامين وأكثر وانت دايم على البال واليوم في قبر الكرامة دفنااك وضاقت بنا الدنيا من الجال للجال الناس تبكي طيب راسك ومجناك والدمع سال وغرق كموم الاطفال ماينفقد ياكود مثلك وشرواك ولا الردي جرف(ن) مع الوقت ينهال حتى الكرم يشفق على مد يمناك ودة يقدم لك من الطيب فنجال والعود الازرق والتراحيب تنعاك وصفر الدلال المكرمة حزنها طال والخير وفعول النشاما وحسناك وحمول خلق الله خفيفات وثقال والغرس وعذوق النخل عقب فرقاك لاتشرب الجمة ولا ضلالها ضلال ودروب صلفات المراجل تمناك لك في قممها ياابيض الوجة مدهال كل الخصال الوافية من سجاياك مواقفك بالطيب تذكر وتنقال الله يبيحك كل ماحل طرياك ولعل لك بجنة الخلد منزاال وجعل السحايب لانشت ماتعداك تنثر على قبرك من الوبل همال وياسعود ابوك اللي على الطيب وصاك واحد ولاكنه عن الفين رجال ظافر سعيد السهلي |
رد: مرثية في ابو ريم الله يبيحك كل ماحل طرياك ولعل لك بجنة الخلد منزاال وجعل السحايب لانشت ماتعداك تنثر على قبرك من الوبل همال اللهم امين اشهد انا فقدنا شخص عزيز علينا جار ورفيق وغالي والله انه فقيده على السهول ةقحطان وغيرهم الله يرحمه ويسكنه فسيح جناته صح لسانك ياظافر اسال الله الاجر ودمتا سالما اخي الناقل بيض الله وجهك لاهنت ودي للجميع |
رد: مرثية في ابو ريم مركز هلا اللهم امين اللهم ارحمة شرفتني بمرورك |
رد: مرثية في ابو ريم فراشة اللهم امين الله يجزاك بالخير شرفتيني بمرورك |
رد: مرثية في ابو ريم [ الله يرحمه ويرحم اموـــآت المسلمين يــآآرب.. ] والقصيدة مؤثرهـ,,,, والرثاء كما يقولون هو اصدق الشعر واعذبه وهو الذي يخرج من الاعماق فيعبر عما بداخلها,,,, ,,تشكر ســ م ـــو,, <<<< على النقل |
| الساعة الآن 06:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..