أبو حـــمــود اللي علــينا فـقيده (مرثية)

بسم الله الرحمن الرحيم


السلام عليكم ورحمة الله وبركاته



اللهم صلي وسلم على نبينا محمد



مرثية في وفاة عمي عبدالله بن مسمار "رحمه الله"


لوالدي ابراهيم بن مسمار






يا والله اللي مات من يـكرم الضيف= أبو حـــمــود اللي علــينا فـقيده
حرٍ شهر من نجد و استوطن السيف=مـلـفا لربعه في السنين الشـديده
أول قرى ضيفه من الكيف له كيـف=وولائــمٍ للضــيـف دايــم فــريده
ومن بعــدها يبـشر بـزين السواليف=وإن كان يبغى رأي الاريا سديده
وإن جاه محتاجٍ حصل له صواديف=يــروح منــه محصّـلٍ ما يـريـده
لو قالوا إن للمال في ذا الزمن هيف=بــقـــول ما مثــله كــريمٍ يـبـيـده
شيٍ يشــاف و شي ياناس ما شيـف= يـبـذل بيـمـنىً ما تـمد الــزهيده
انشد و تـلــقى لك رجــالٍ عواريف=تنبيك عن كل العــلوم الـوكـيـده
الوصف كايد فـــاق كل التواصيف= قــرمٍ فـعــوله كلـبوها حـمــيـده
قولٍ صحــيح ما دخــل فيه تزييف= مــدات جــوده للـنـشـامـا عـديده
يالله عسـى ماجاه يا نـاس تخفـيـف= وطهور بإذن الله محصي عبيده
مالـــــوم دمع العين لو جا مذاريف= يومٍ عسى الله يا عرب ما يعيده
نقرى الحزن بعيون ناسٍ ملاهيف= بسـتـه محـرم في سنتنا الجـديده
حــنــا طــراقي و المنـايــا مناكـيف= شطرٍ حفظته زين و اليوم اعيده
الله يبــيحــك يا زبــون الــمــواقيـف= و نفسك عساها عند ربك شهيده

ابدعت يــ أح ـــمد •
في تصوير مآثر الفقيد رحمه الله وأسكنه الجنه
قصيدة كتبتها من قلبك ووصلت الى قلوبنا
الله يتجاوز عنه وعن كل امواتنا..

احمد

صح لسانك

ورحم الله عمك واسكنه فسيح جناته

قصيدة رااائعة
الله يرحم عمك آآآآمين