|
اليوم فيني حزن ماهوب فــ انسان .. اليوم بعضي ما يبي قرب بعضي .. |
رد: اليوم فيني حزن ماهوب فــ انسان .. اليوم بعضي ما يبي قرب بعضي .. نسولف كن في ه العمر ما به شي يعنينـا ............... ........ ونضحك كن ما للحزن طاري في دواخلنا قصيرة ه الدروب اللي لدرب الحزن تهدينـا ............... ........ طويلة ه الدروب اللي على الفرحـة توصلنـا يغيبون الحبايب ونتساقـط فـي مآسينـا ............... ........... يغيبون ويغيب العمر نذكرهم ونهملنا ندوّر عن فرح زايف أمل كاذب يواسينا ............... ........ نحاول نغرق اكثر لجل ننسى في مشاغلنا نحاول نرسم المستقبـل ب ألـوان ماضينـا ............... ........ ونلقى الوقـت بالحرمـان والوانـه يشكلّنـا مواجعنا كثيـر احيـان تاخذنـا مـن يدينـا ............... ........ وحنا نستلـذ الدمـع مـن كثـرة مشاكلنـا نعيش اغـراب فالدنيـا ونستوطـن منافينـا ............... ........... نخلق الحلم من لا حلـم ونخليـه يقتلنـا ونضحك كن في ه العمر ما به شي يعنينا ............... ........ نسولف كن ما للحزن طعنة في دواخلنا |
رد: اليوم فيني حزن ماهوب فــ انسان .. اليوم بعضي ما يبي قرب بعضي .. جفاف .. جفاف واللي يسيل من الدموع الغارقه ... والحارقه .... والسارقه لاحلآمي البيضاء جفاف .. في لحظةٍ : تنبت بها الدنيا مآسي وارتحال قلت امتطي صهوة خيالي ... وامتطيت ....اخر مشاوير السهر واول مشاوير النعاس .. وكانت الزرقاء لحاف وغمّضت عيني ؟! وانتبهت . ان الليالي ما تقدّر إنكساري واحتضاري و اختصرت اللي على بالي من اوجاع السنين http://www.rwwwr.com/vb/smail/frown.gif وما قدرت " وقلت اسولف عن خطاي وعن عطاي ولا لقيت من الجهات الأربعه سكة رحيل وما علي خلاف " لكن ...... ودي بـــ متنٍ يشيل ............ ودي بحضنٍ كفيل ............ بما تبعثر من رماد الأزمنه والمستحيل !! أن المسافات البعيده تنتهي قبل الرحيل وتوّي فهمت ان الدموع اللي تسيل ما جسّدت غير الجفاف !!! ....... غير الجفاف !!! ............... ...غير الجفاف !!! |
رد: اليوم فيني حزن ماهوب فــ انسان .. اليوم بعضي ما يبي قرب بعضي .. اليوم فيني حزن ماهوب فــ انسان ............... .............. اليوم بعضي ما يبي قرب بعضي هاجرت عن ليل التعب طحت باحزان ............... ............. ظلي وقف وانا على نفس ركضي منفي وادور عن وطن بين الاوطان ............... ............. حتى ولو هو بس طولي فـ عرضي عندي تساوت كل الاوضاع سيّان ............... ............. تموت أرضي او انا اموت فــ ارضي استرسلت فالذاكره سبع الالوان ............... ............... اللي تأثر في حنــيــني ونبــضي واقفيت مثل اللي فقد كل الاخوان ............... ............. وافقت وقتي بعد ما مات رفضي واليوم اعيش بــ حزن ماعاشه انسان ............... ............. تخيلوا بعضي كره قرب بعضي!! ".. ممآ لآمس أحسآسي .." |
رد: اليوم فيني حزن ماهوب فــ انسان .. اليوم بعضي ما يبي قرب بعضي .. ياسلااام علييك.. مبدعه في كل حالاتك... تسلمين على النقل.. |
| الساعة الآن 02:59 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..