مجالس الرويضة لكل العرب - لڪْ معي بأڪثـَر تفآصيليْ . . ملآمـَـًح !

أحيانا لا أرغب في مكالمات من أرقام لا أعرف أصحابها وأحيان أرغب في أن يخطئ أي شخص في رقمي وأستمتع بتجادل أطراف الحديث معه وهناك أشخاص أصبحوا أصدقاء هاتف بسبب مكالمه غلط .
الجمعه 1432/1/25هـ
الساعه ٣ عصرا
رقم مجهول
ساعتها كنت فاضي قلت أشوف منو وشنو عنده
رديت نعم
ألو معليش غلطانه
قلت وبأدب
لو سمحتي لا تغلطي مره ثانه
ردت
باي
طوط طوط طوط
بعدها بنصف ساعه تقريبا
نفس الرقم يتصل
عطيته مشغول
ورديت الجوال للجيبي
أقل من دقيقتين نغمه رساله
فتحت أشوف الرساله
الا من نفس الرقم
نص الرساله :
رد الله يخليك بقول لك كلمتين
مسحت الرساله
الا ونفس الرقم يتصل
تأخرت ما رديت عليه
أفكر وش عندها وش تبي تقول أخيرا رديت
نعم
قالت :
يوووه غلطانه
ما أمداني أتكلم
طوط طوط طوط
سكرت الخط بوجهي
كبرت براسي ليه تسكر الخط بوجهي أنا حسبتها متصله بتتعذر
أرسلت لها رساله نص الرساله :
لو سمحتي أتصلي وأعتذري لأني أخذت بخاطري منك
ردت برساله نصها :
حلوه النكته ممكن وحده أحلا برسلها لصاحباتي
بصراحه انا كنت برد علها برساله قويه بس انشغلت ونسيت صحيت الفجر اليوم ألا ثلاث مكالمات لم يرد عليها وثلاث رسائل المكالمات نفس الرقم .
الرسائل
الأولى من الراجحي تم إيداع الراتب .
الثانيه من الراجحي رصيد حسابك رقم .
الثالثه من غلطانه <<< مسجل أسمها كذا
نص الرساله :
آسفه والله جد آسفه
أتمنى تقبل أسفي وتنسى رقمي .

تقبلت أسفها وعني أنا نسيت بس أتمنى ما تعاود الأتصال
بصراحه أحيان تدخل في متاهات أنت في غنا عنها .
ليه قلت لها : لو سمحتي لا تغلطي مره ثانه .
توبه