مجالس الرويضة لكل العرب - ذكـرى وصـالـك زادي وقـوتي

فـراقـك ..

فراقـك أصعب شي في دنـيـاي
ومـوادعـك يا غـايـتي مـوتي

حـل الرحيـل ولا بقـالي رأي
الدمع في عينـي وفـي صـوتي

برحـل وأنا ألوّح لك بـيـمـناي
أخـيـر مـن توديـعي سكـوتي

بقفي عن ديارك وأسوق خطـاي
لو كل ما أصبح شفت تابوتـي

ولو حدني فـقدك وجاب أقصاي
ما قـلـت لأيام الزمن فــوتي

يكـفـيني الماضي عن اللي جاي
ذكـرى وصـالك زادي وقـوتي

وملامـحك .. لو ناظـري نسّـاي
قـلـبي حفـظـها بكل مـا أوتي

ما أنساك لو طوّل مـدى مـسراي
وما خبت لو خـابت بـك بخـوتي

أبـكيك وأرثـي عـشـرتـك ويـاي
وأكـتـبك شـعـر وتـبكي بـيوتي

آثر خطـوآتنا

غابت الشمس ..ماعندي كلامٍ يقال
وأشرقت والكلام اللي ماينقال قيل

ليت عقب الفراق المر ماجاء وصال
وليتي أخفيت مابّديته بـ.. جنح ليل

ليل لكن فَرَق عن غيره من الليال
جاء ثقيل .. وعلى ثقله كئيب و طويل

يوم جينا وجبنا للمعاتب مجال
قلب عّود عليل / وقلب عّود قتيل

ضّيع إعلومنا علومً عراضً طوال
وإنتهينا من اللقيا بليّا حصيل

ما ذهنت بـ.. حياتي لين حّل المحال
بعد ماكنت أظنّ فراقنا مستحيل

ما يمّر البنادم من عنا للزوال
والعنا الباقي : فراق الخليل الخليل

آتحمل .. ولا لي فالهموم إحتمال
وآتصّبر.. ولا عيّنت صبر ٍ جميل

بعد ما مر بي في بُعد بنت الحلال
ما طرى لي أحصّل فالمحّبه سبيل

ما بقى من أثر خطواتنا فالرمال
مرّها عصف ريح ومرها جَرَف سيل

http://www.5foq.com/vb/images/icons/icon9.gif

موت الآمـال

ودعتك الله ولو مابعـد فقـدك حيـاه
لكن علـى الله والدنيـا هـذا حالهـا

البعـد سنـة حيـاه وسكـةً للوفـاه
لاحّل ..عّل القلـوب ومّـوت آمالهـا

روحي ولو مالخطواتي بَعَـدك إتجـاه
دروبي إن ما انتهت بك مالي ومالهـا

غيبي .. وقلبً تعلّق فيك فأول صبـاه
نّوخ وحملة جروحـه كلهـا شالهـا

بفقدك لامّن همّي جاب لـي مـاوراه
إليا أطردتني جميع الخلق من بالهـا

لاصرت وحدي ويومي سرمدياً مساه
ومَلَت فضاي الهموم وطاب منزالهـا

والكون كنّه على الشبرين خلا مـداه
والأرض خبت نساها وأبقت رجالهـا

بفقد حنانك ,, إلى أشتد الزمان بقساه
ولاحولي قلوب من حرماني ألجا لهـا

قلبك فقيده عسى الله مايبيـن غـلاه
لو ساعة موادعك مرتنـي أهوالهـا

واليوم لو الخفوق يقول لك وش بلاه
بعض السوالف رحم قلبك ولا قالهـا

مادام دربً مشينا به وصـل منتهـاه
ولاعـاد بيديننـا حيلـه ونحتالـهـا

ولاعاد بقلوبنا ياكـود ونّـه .. وآآه
نهاية فصـول دنيـاً ماحسبنـا لهـا

بودعك ,, والعزا وقتاً كشف عن رداه
روحي وانا اروح والدنيا هـذا فالهـا

وان جاك بعدي من يقول السعاده معاه
قولي حبيبي قبل لاتقولهـا قالهـا !!