|
بقايا رهينه ..! نص اجبرني التوقف مررا امامه .. بسألك عن حاجه .! وداعك ذكرته _______ أمانتك ماهو في حقك غبينه يوم ان حبّك وسط صدري حفظته _______ ليه السفر .! اهداك بحره سفينه لكن .! عتابي من عقب جيت شلته _______ من خاطري والدم نشّط حنينه ! يالجوهر اللي لاطرالي سهرته _______ يالحب ، ودروب السلام ، وسنينه الشعر شفني في حضورك ذبحته _______ ضيافةٍ لك يوم جيت المدينه .! والبيت يوم انك رجعت وآنرته _______ عقب الآسى صارت حياته سكينه والوقت يوم الوقت جابك شكرته _______ وحبيت من شأن اللقا بك جبينه ! مستقبلي / واغلا طموحي آسرته _______ والنفس مابين المخاليق شينه ودمعي وعيني والغلا لك رهنته _______ والحب صرت انت العضيد ويمينه والمشكله .! صدري إذا اني سألته _______ بين البشر تسمع صداه وآنينه والموت ! لاجاني سؤال وسفهته .؟ _______ من عاذلي لاقال صاحبك وينه.؟ كم لي وطيفك في غيابك سرحته _______ والشعر تسهر لك من الشوق عينه وكم لي ودربك لاشعوري سلكتّه _______ حزين من شانك دروبه حزينه ! إنسان لو ماجيت يمّه واخذته _______ من يرأف بحاله ويأخذ يدينه ..؟ وإحساس لو صرت بمكاني وعشته _______ إمن الوله قد باح حتى كنينه ! تعال ! قل للناس داري سكنته _______ وخلّ الوصل ضيفٍ لفى عازمينه وقلي : وش اللي من تصديك نلتّه _______ وخذني معك دايم بقايا رهينه .! وخذني معك دايم بقايا رهينه ..! وخذني معك دايم بقايا رهينه ...! للشاعر العذب عبدالرحمن مازن العطاوي.. اتمنى ان اصــل الى سماء ذائقتكم .. http://up.z7mh.com/upfiles/QQU95935.gif |
رد: بقايا رهينه ..! رآئعــــــــه صح لسان شاعرها وسلم ذوقك على إنتقائها ،. ~ || :) |
رد: بقايا رهينه ..! الوليدي اهنئك لعلو ذائقتك وتحليقها عاليا صح لسان قايلها وصح لسانك للنقل الف شكر لك |
رد: بقايا رهينه ..! اهلا الوليدي.. قصيييدة جمييلة جداً وشكلها الاقرب لنفسك ههههههههههه.. تسلم على هالابداع وماقصرت.. |
رد: بقايا رهينه ..! صح لسان قايلها وناقلها ارق التحايا |
| الساعة الآن 11:21 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..