|
الا الفراق وغربة الناس للنــــــاس ..... الكون موحش والمسا فاقد احساس والهم ينسج من خيالي قصيــــــــده اكتب همومي بالقلم فوق قرطاس وآرسم معانـــاة الجروح الجديــــــده القلب وش خلاه مخنوق الانفاس بين الضلوع العوج ينزف وريـــــــده الا الفراق وغربة الناس للنــــــاس وبعض السوالف و العلوم المكيــده ياقلب لا تحزن ولا يغلبــــــك ياس ارتاح واستبشر بلحظه سعيــــده اقولها ياقلـــب لاباس لابــــــــاس لاتقهرك سود الليالي العنيــــــده اللي ذكر طيبي على العين و الراس واللي تجاهلني تجاهلت سيـــــده ماهمني من باعني دون مقيـاس عزيت نفسي والامانــــي بعيـــده انا كذا طبــــعي مع كل الاجنــــاس القلب عزيته وشـــديت قيـــــــــــده حوله من الأضلاع حطيت حـــــراس تحميه من غــــدر الليالي الشديده اللي يذوق الغدر صافي من الكاس لابد يتـــــــــــعل م وعلمه يفيـــــــده ضوّيت لي في ســـود الايام نبراس يهدي حياتي للدروب الرشيــــــده محشوم فكري عن تفاكير الادناس نفسي عن الهفوات دايم زهيــده واللي يحاول يسرق اللول والمآس ماطالته عينه ولا طالت ايـــــــــده ماكل صيد يجيبه الحــــــــر قرناس يموت بالرمضا ولاهـــــــو يصيــــده كتبتها جملـــــه أنا بين الاقــــواس (لاتقرب النيران جسمك تبيــــده) اعوذ بالرحمن من كل خنــــــــاس من الوساوس والحيـــــــاة البليده ياوجد حالي كل ماهب نسناس سافرت بفكاري لدنيــــا بعيـــــده مما راق لي .. |
رد: الا الفراق وغربة الناس للنــــــاس ..... اختيار يعبر عن جمال ذائقتك حروف وابيات شوقتني ََ لقرائتها الف شكـــــرر ووودي,,, |
رد: الا الفراق وغربة الناس للنــــــاس ..... فيصل لك ذآئقه فريده من نوعها فـ يافرحة القسم بوجود مختاراتك بين طياته ^_^ ~ |
رد: الا الفراق وغربة الناس للنــــــاس ..... ياهلا وسهلا مشكورين على مروركم والردود اسعدني التواجد |
رد: الا الفراق وغربة الناس للنــــــاس ..... أبيات رائعه مشكور على الأختيار حفظك المولى |
| الساعة الآن 05:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..