افيدكم في ما يلي من خطابي سعادة .....!! مدير الاداره=افيدكم في ما يلي من خطابي انا موظف عندكم في الوزاره=اللّي خذتني في بداية شبابي الحر يدري وش نبي بالاشاره =ياللي تدلون الخطا والصوابي ابرك من السرد الطويل اختصاره=زبد الكلام ان كان تبغا وش آبي ترا الحليم اذا تعدى عياره=مثل الجذوب اللي حدر من روابي حنا بدو يوم الشقا والنعاره=ما عاش حرٍ ماكره للغرابي نبني لنا في كل ديره عماره=ولا نحب الفلسفه والتغابي المحترم يفرض علينا وقاره=يقلط على بيض الوجيه الرحابي ريف المسير دلته من وجاره=ذكره مثل ذكر الحيا فالغيابي الحب لوانه يجي بالضياره=يمديه يالج فالسنين العجابي اللي تولع في المثل في دياره=يشتد ركبه بالعتب والزهابي خوينا حقه علينا زياره=ولا الخواضي لا حكا مايعابي هذا نتاج المصغره والغظاره=اخراج راوي مارتوا من سرابي آمل من الله والامل كل تاره=ولاّ انت وآنا والبشر من ترابي يفتح علي باب قويٍ جداره=اللي رجاه بخالقه مايخابي |
رد: افيدكم في ما يلي من خطابي اهلا بسعيد القير... بيض الله وجهك على هالسمينة , والجزل مايجي منه الا جزل.. اعجبني هالبيت بالحييل لما فية من الحكمة : ترا الحليم اذا تعدى عياره مثل الجذوب اللي حدر من روابي تسلم والله لايهينك... |
رد: افيدكم في ما يلي من خطابي صح لسانك رائعه جداً ,,,, يعطيك الف عافيه |
رد: افيدكم في ما يلي من خطابي يا هلا ومرحبا بشاعر يستحق الترحيب ونشكر لك حضورك ودررك الرائعة ونتمنى اثراء المجالس بجديدك لاعدمناك وقصيدة جزلة صح لسانك |
رد: افيدكم في ما يلي من خطابي اهلا بك وبدفق نهر معانيك الغزيره والمميزه انرت من جديد ننتظر جديدك ^_^ ~ |
الساعة الآن 08:25 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..