|
طالبات ثانوية الرويضة ومهزلة المندوبية.!! بسم الله الرحمن الرحيم السلام عليكم ورحمة الله وبركاته مساكم الله بالخيير.. لازالت ثانوية الرويضة للبنات تعيش تحت اهمال وتقاعس مندوبية البنات وتقصريها , فبعد ماتم انتقال المتوسطة في الرويضة الى المدرسة الجديدة في الدخل المحدود استبشرن طالبات ثانوية الرويضة خير وتأملن في تعدد الفصول وتقسيم الطالبات الى فصول عده , ولكن حصل مع الاسف العكس!! اقفلت نصف الفصول وتم حشر الطالبات في 6 فصول من اصل 12فصل او اكثر , فمن خلال المعلومات الذي وصلتني ان صف اول ثانوي يوجد له فصلين وفي كل فصل اكثر من 35 طالبة.!! وصف ثاني ثانوي فصلين ايضأ ادبي وعلمي وكل فصل يحوي اكثر من 30 طالبة!! وثالث ثانوي فصلين ايضاً وبها اكثر من 36 طالبة وهذه ليست مشكلة بحد ذاتها بل المشكلة ان لايوجد طالبة لها طاولة لوحدها.!!! يعني كل طالبتين او كل ثلاث على طاولة وحده.!! مع العلم ان هناك اكثر من 6 فصول مقلفة بدون اي سبب.! وبالأمكان فتحها وتقسيم الطالبات فيها حتى يكونن اكثر تركيز مع اثناء الشرح , ناهيك عن عدم وجود مديرة في الاساس وعدم وجود ايضاً اكثر من 6 معلمات في عدة تخصصات من ابرزها الانجليز والتاريخ ومواد الدين وغيرها..!!! يجب تصعيد الشكوى الى مندوبية الرويضة والى ادارة تعليم القويعية حتى يتم النظر في هذا الظلم الواقع على بنات الرويضة... |
رد: طالبات ثانوية الرويضة ومهزلة المندوبية.!! حسبي الله عليهم حسبي الله علييييييييييييي يييييييييهم <<طالعه من قلب يتعذرون بنقص المعلمات وانا مدري ليه كل هاللي يبون تعيين مايلاقون وضايف مع ان ثانوية الرويضه تقرقع مافيها احد .. وصارت متسيبه لـ ابعد حد ماهيب مدرسه ابد .. ابد ولازم يشوفون لها حل ومو اي حل :( يعطيك العافيه ^_^ ~ |
رد: طالبات ثانوية الرويضة ومهزلة المندوبية.!! اقتباس:
الله الله هذا عذرهم , ومع العلم ان فيه نقص قووي , بس اتوقع المدرسة لم تطلب زيادة معلمات عشان المعلمة تشرح للصف الواحد المادة مرة بدل ماتشرحها مرتين وثلاث لو كان فية فصول زيادة... شاكر مرورك والله يعطيك العافية.. |
رد: طالبات ثانوية الرويضة ومهزلة المندوبية.!! مخالف ليش سكروا المعلمات الفصول وحشروا البنات في سته فصول ؟؟ معرووفه ماحشروهم الا عشان مايزيد عليهم نصاب الحصص .. يبون يرتاحون المعلمات .. واللي بيروح فيها البنات مشكور بقايا .. الله يعطيك العافيه :) |
رد: طالبات ثانوية الرويضة ومهزلة المندوبية.!! مدرسه وش كبرها وسته فصول مسكره ؟؟؟؟؟؟ وشوله ينقلون المتوسط اجل ؟؟؟مو الهدف انهم يتوسعون ويدرسون في جو مريح ؟؟؟ بس نسوا حاجه مهمه من وين يجيبون معلماااااااات ؟؟؟؟؟ ((الله يعمي عيونهم وقلوبهم المعلمات تارسات البيوت مالقن من يوظفهن )) حسبنا الله ونعم الوكيل الله ينتقم منهم |
رد: طالبات ثانوية الرويضة ومهزلة المندوبية.!! مخالف اقتباس:
نعم كلامك صحيح , هذا هدفهم.. العفو.. لاهنتي على مرورك |
رد: طالبات ثانوية الرويضة ومهزلة المندوبية.!! اقتباس:
اهدافهم واضحة , والمعلمة ماهيب فاضية كل شوي في فصل تشرح قالوا ورى مانحشرهم في فصلين ولا فصل وانتهت السالفة , ويااااكثثثثثثثر اللي طايحات في البيوت وخريجات كليات وتخصصاتهم مطلووبة بس حسبهم الله اللي وقف في وجيههن وحال دون تعينهن.. لاهنتي على المداخلة |
رد: طالبات ثانوية الرويضة ومهزلة المندوبية.!! السلام عليكم اولا ابي اتكلم ع الدعاء اللي يشووف دعواتكم يقولون تدعون ع اسرائيل الدعاء ع قد المضرره .........!!!!!! ! ثانيااا اتوقع اللي سمعته منكم فهاذا تقصير من (المعلماااااات) .. ومااتوقع ان مندوبيه الرويضه يوصل لها خبر بنقص المعلمات وعن الفصووول المغلقه ويسكتون ع هالوووضع اللي ابي اوصله لكم اعزائي ان المعلمات يبوون الراااحه من ربي يعني ماعليهم من البنات زحمه مو زحمه شي مافررق عندهم ومثل ماذكرتو عشان الحصص وازدياااادهاااا .. بس اتمنى يوصل خبر لمدير مندوبيه الرويضه ..وان شاء الله يتصرررف بس جد استغربت منكم ومن [دعوااااااااااات كم] اختكم غنج عتيبه ............... ............... ............... ............... ..شكرا |
رد: طالبات ثانوية الرويضة ومهزلة المندوبية.!! شكلي بروح لهم واشحذهم بقول عندكم نقص وظفوني ! ههههههههههههههه ههههههههههه بس البنات مسيكينات يكسرون الخاااطر,, |
رد: طالبات ثانوية الرويضة ومهزلة المندوبية.!! اقتباس:
والله الدعاء اللي تشووفينة ماطلع الا من الظلم الواقع على الطالبات عيني عينك , وكذلك من حبنا لبناتنا الطالبات ... كيف حكمتي على طول بأن المعلمات اللي يتحملنه والمندوبية هي السبب؟ المدرسة فيها نقص قوي في المعلمات واعتقد ادارة المدرسة لازم تطلب معلمات حتى يخف الضغط على الموجودات , وياكم من معلمة قدمت ملفها واوراقها للمدوبية وقالت المندوبية اذا كان فية نقص وظفناكم والنقص حاصل.!! لاهنتي على المداخلة.. |
رد: طالبات ثانوية الرويضة ومهزلة المندوبية.!! اقتباس:
روحي لهم ولا يردك الا مكتب المدير وقولي فية نقص وظفوني ولا تفاهمت معكم تفاهم ثاني ههههههههههههه والله يعين الخريجات ويرزقهم بالوظايف.. لاهنتي على المداخلة |
رد: طالبات ثانوية الرويضة ومهزلة المندوبية.!! يبيلهم كم صورة .... بس كيف فكروا معي |
رد: طالبات ثانوية الرويضة ومهزلة المندوبية.!! ههههههههههههههه هههههههههههه ابو رنا اهم شئ عندك الصور خلاص العصر مر البنقالي ودفة بعشرة ريال ويدخلك حق النظافة |
رد: طالبات ثانوية الرويضة ومهزلة المندوبية.!! الله يكون بعون الطالبات تبون مدرسة لغه عربيه <<داخل عرض |
رد: طالبات ثانوية الرويضة ومهزلة المندوبية.!! الشتا جاي والامراض بتتنتشر الله يستر عليهن ... |
رد: طالبات ثانوية الرويضة ومهزلة المندوبية.!! عزيزي( بقايا )اترك المعلمات وشف الامر والادها (تكرمون) المجاري اعبرمن بحيرة المسك وغطيان التفتش مكسرة المكيفات ماتشتغل الابواب رايحة فيها [ انضر بالعين الثانية الى مدارس القويعية ولاكن نقول حسبنا الله ونعم الوكيل ] انما نشكو ا بثنا وحزننا الى الله |
رد: طالبات ثانوية الرويضة ومهزلة المندوبية.!! بقايا جروح : نقل المتوسطة الى مبناها الجديد بهدف ترميم المبنى السابق أو هدمه وإنشائه من جديد ومن ثم فتح متوسطة ثانية للبنات ويصير في الرويضة متوسطتين للبنات ------دمتم بود |
رد: طالبات ثانوية الرويضة ومهزلة المندوبية.!! اقتباس:
على يدك , صور وجب لنا.. تشكرات |
رد: طالبات ثانوية الرويضة ومهزلة المندوبية.!! اقتباس:
هلا سمو.. اضحك وانبسط ياعم... تشكرات |
رد: طالبات ثانوية الرويضة ومهزلة المندوبية.!! اقتباس:
هلا بعمر... المدرسات وش كثرهن في البيوت بس التوظيف الله اعلم به.. لاهنت على مداخلتك.. |
رد: طالبات ثانوية الرويضة ومهزلة المندوبية.!! اقتباس:
هلا اميير.. والله البلشة صدق , عاد الفصل مزحوم الله يعين.. لاهنت على مداخلتك.. |
رد: طالبات ثانوية الرويضة ومهزلة المندوبية.!! اقتباس:
المجاري والاهمال وعدم الصيانة تجدها غالبا في اكثر المرافق الحكومية والمدارس بالذات , بس حشر الطالبات في فصل وبقية الفصول مقفلة وش معناه؟ لاهنت على مداخلتك.. |
رد: طالبات ثانوية الرويضة ومهزلة المندوبية.!! اقتباس:
هلا ابو هلا.. طيب انا ماقلت شي ولا تكلمت عن الترميم والصياننة , انا تكلمت عن 6 فصول سابقاً مقفلة وفي نفس المبني الحالي وجنبها منا ومنا الفصول اللي فيها الطالبات , يعني تخيل فصول مقفلة ومقابلة للفصول الحالية وفي نفس المبنى وش معناه هذا؟؟ يعني مايبون يرهقون المعلمات بكثرة الشرح والدوران على الفصول.؟؟ والله من خريجة تتمنى الكرف ليل نهار بس تحصل فرصة وظيفية.. لاهنت على المداخلة |
رد: طالبات ثانوية الرويضة ومهزلة المندوبية.!! ياحبيبي وش نظام ام امهم يوم اللوحه قديمه المبنى انشاءه جديد والتاريخ قدييييم خير اغبيا حنا ========= ليش حاشرين البنات غنم مثلا !! حسبنا الله |
| الساعة الآن 01:25 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..