{ صــ ـ ــدفـــ ـ ـة }..! السلام عليكم ورحمة الله وبركاته الشوق ماله عمر , يفنى وينعاد ............... .........له في الضلوع أن عاد وأن غاب رجفهـ مع كل فرقا ,لهـ ورى الجفن ميلاد ............... .........وأن ماتت الفرقا لقى الشوق حتفهـ جيت أقتل الفرقا من بلاد لــ بلاد ............... .........ملّ الطريق يشيلني فوق كتفهـ وأنا بعد مليت من كثر ما أرتاد ............... .........هالشارع اللي كان لكـ فيه شرفهـ تظمأ عيوني شوفكـ , وتشبع سهاد ............... .........عيّا الزمن يقطع ظماها بــ رشفهـ لاوجهكـ أسقاها , ولا ذاقت رقاد ............... .........ماغير طيفكــ ,, طيفكـ اللي أعرفهـ كنّهـ ظبي ,, وعيوني ظلال صيـاد ............... .........يجفل قبل يرتد للجفن طرفهـ مشكلتهـ أنهـ كل ما أشتقت يزداد ............... .........حتى ملا جدران وقتي وسقفهـ وأصبحت أشوفهـ فــ أول الغيم لاجاد ............... .........وفــ أقصى الشفق لاطاحت الشمس خلفهـ وفـي الأرض لانامت عقب صوت رعاد ............... .........وفي كل شباك ٍ صحت منهـ درفهـ أتعبت طيفكـ لوم ,, واللوم مافاد ............... .........ويوم الأمل في شوفتكـ مات نصفهـ نويت أسافر عنكـ بجروح ٍ جداد ............... .........وعمر ٍ من أوراق الزمن حان قطفهـ نويت ,, لكن جابني الشوق منقاد ............... .........وجابكـ حنينكـ , والزمن سال عطفهـ شفتكـ تبسّم لي خجل مدري عناد ............... .........وفي نظرتكـ شوق ٍ من الظلم وصفهـ حسيت كني طفل , وعيونكـ أعياد ............... .........ياعيدي اللي لهـ ورى الصدر رجفهـ سمّ اللقا صدفة , وأسمّيهـ ميعاد ............... .........أنا أنتظرتكـ , وأنت مريت صدفهـ ..! ** |
رد: { صــ ـ ــدفـــ ـ ـة }..! الله الله.. مير عندك ذوق مهوب بسييط... لاهنت والله يوفقك |
رد: { صــ ـ ــدفـــ ـ ـة }..! الله يعطيك العافيه اخوي فيصل على مختاراتك الرووووووعه ^_^ ~ |
الساعة الآن 06:57 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..