|
[[ ... فمــــــــــــا ن الــجـــرح ... ]] [[... فمــــــــــــا ن الــجـــرح ... ]] فمان الجرح .. لا والله فمـان احزانـي الكُبـرى فمان اغلى ثلاث سنين مِتّ بْهـا عشـان اعيـش فمان الحب واحلام القلـوب البيـض والخضـرا فمان الآه من كثر الزعـل والشـوق والتطنيـش فمان عيونك اللي مالها بيـن العيـون .. اُخـرى فمان غرورك اللي علّم الطاووس نفْـش الريـش فمان عطورك اللي تسكن انفاسـي .. وبالأحـرى فمان انفاسك اللي تسكن عطوري ومدري ليـش؟ فمان الليل .. واحضان الدفا .. ومْصافـح القمـرا فمان البـاب والشبّـاك يـوم اواعـدك ونطيـش فمان التوت .. والرمان .. واحلى فاكهـه حمـرا فمان الضحكه اللي كنّها مـن مبسمـك بخشيـش فمان غيابك اللي ماتـرك لمواصلـك .. بُشـرى فمان الشك وظنون الخطـا والكـذب والتشويـش فمان العيد .. كنّي بـه يجينـي وحالتـي تـزرى يطبْطبْ فوق أكتافي حزن ويقـول لـي: معليـش فمان الجوع واحساس العطش .. ومفارقك صحرا تعبـت افتـش لْواحاتهـا واضنانـي التفتـيـش فمان ضلوع مكتـوبٍ علـى أنحاءهـا اليُسـرى "هُنا توجد جروحي" لو تكرّمتـي: بـلا تنبيـش فمان دموع لا تُسمـن ولا تُغنـي مـن الذكـرى وانا اللي ماقدرت اطلع من اجوائي معك بشويـش فمان الشارع اللـي كلمـا جيتـه .. وانـا أقـرا معاناتي من اول يوم في وصلـك إلـى التهميـش فمان الشاعر اللـي يجمـع بتجربْتـه الصغـرى فكر بدر .. ورومنسيّة نزار .. وفلسفة درويـش فمان العاشق المجنـي عليـه .. بتسليـة عـذرا من اول "بعشقك" حتى نهايـة "مـا تصبّرنيـش" فمان الخوف ويدينـك جنـود وأضلعـي أسـرى وانا فيني من الإحباط .. مايكفي هزيمة جيـش= فمـان اشيـاء ماتنقـال للعالـم .. ولا تطـرى ممالك حُب .. دمّرها اللعـب وسْياسـة التطفيـش فمان الإيش؟ مـا أدري .. ولكـن الزمـان ادرى وانا اللي ضاع مايدري .. حبيبه ضيّعه لجل ايش؟ فمان الله ياقلبـي مـع انـك جـرح مـا يبـرى كتب ربي عليّ اعيش من دونك .. وانا ما اعيـش ودمتـــــــــــ ــــم بكــــــل الحـــــــــب الوليــــــــــ ـــــــدي |
رد: [[ ... فمــــــــــــا ن الــجـــرح ... ]] تميز كالعادة استمتعت هنا :) |
رد: [[ ... فمــــــــــــا ن الــجـــرح ... ]] ياسلام عليييك .. ابدعت والله في الاختيااار , ومحتاراتك مثل تسجيل الدخول مالنا عنها مجناب.. لاهنت... |
رد: [[ ... فمــــــــــــا ن الــجـــرح ... ]] صراحه عجزت عن التكلم بعد ما قرات هذه الابيات بس بصراحه من اجمل وافضل واحلى ما قرات الله عليك يا الوليدي صراحه ابداع كل الابداع في هذه الابيات الله عليك ومشاء الله عليك مبدع ومتميز في كل الاقسام وفي كل المواضيع تحياتيـ لك اخويـ دمتـ فيـ حفظـ الرحمنـ |
رد: [[ ... فمــــــــــــا ن الــجـــرح ... ]] قصيده رائعه الوليدي تسلم لنا ... |
| الساعة الآن 02:05 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..