| |
07-10-2010, 12:38 AM
| ||||||||||||
| ||||||||||||
×َ نهبت الفرح من بيتي صحيح اني خسيس الذات َ×  قصيدة عن الام ابكت من لم يبكي اقرأوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي... يواسيني وانا الميت وحالي يجبر الدمعات تسيل من اللذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى اللي يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني .. 
آخر تعديل لآ تسألني من أنـــ؟ــا يوم
07-10-2010 في 12:46 AM.  |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| إحباط تهريب 40 كغم حشيش و30 ألف حبة مخدرة | محمد | احتواء ما لا يحتوى | 8 | 01-02-2010 06:17 AM |
| القصاص من مهرب حشيش في الدمام | محمد | احتواء ما لا يحتوى | 6 | 31-01-2010 03:08 PM |
| ضبط 3 ملايين حبة كبتاغون و3 أطنان حشيش | سلطان الشوق | احتواء ما لا يحتوى | 5 | 17-08-2009 08:05 PM |
| توكيد الذات | ج ــســــد | احتواء ما لا يحتوى | 11 | 06-04-2008 10:00 AM |
 |  |
العرض الشجري
